Ýtilalym azyq-túlik qaýipsizdigine keri áserin tigize me? Bul saýalǵa QR Indýstriia jáne infraqurylymdyq damý vitse-ministri Marat Qarabaev jaýap berdi, dep habarlaidy QazAqparat.
«Keibir qoǵam belsendileri ýtilalym azyq-túlik qaýipsizdigine de keri áserin tigizip otyrǵandyǵyn aitady. Bul da shyndyqqa janaspaityn uǵym dep oilaimyz. Qaita aýyl sharýashylyǵy tehnikalaryn shyǵaratyn zaýyttardyń otandyq bolýy azyq-túlik qaýipsizdigin qamtamasyz etýde. Sheteldik zaýyttar kelgennen keiin elimizdiń túpkir-túpkirinde qyzmet kórsetý ortalyqtaryn ashyp otyr. Eger buryn elimizde óndirisi bolmaǵan kezde tehnikanyń qosalqy bólshegi qajet bolǵanda kútýge týra keletin. Óitkeni, ol basqa elden keledi. Al qyzmet kórsetý ortalyqtary ashylǵannan keiin bul másele jeńildedi», - dedi vitse-ministr Ortalyq kommýnikatsiialar qyzmetindegi baspasóz máslihatynda.
Osy rette Marat Qarabaev pandemiia kezinde 1 myń jedel járdem kóligine suranys týyndap, ony otandyq zaýyttar 2 aidyń ishinde qurastyryp shyqqanyn mysalǵa keltirdi.
«Muny qalai júzege asyra aldyq? Óitkeni, elimizde óndirisi boldy. Pandemiia bastalǵan kezde elder bir-birine eshteńe shyǵarmady. Logistikalyq jumystar toqtap qaldy», - dedi ol.
