Premer-ministrdiń birinshi orynbasary Roman Skliar «Habar24» telearnasyna bergen suhbatynda elimizde avtokólik jáne aýyl sharýashylyǵy tehnikasyna kádege jaratý alymy tómendetiletinin aitty, - dep habarlaidy "Ult aqparat".
«Atameken» UKP alańynda pikirtalastyń 4-5 raýndyn ótkizdik. Olardy Ekologiia, geologiia jáne tabiǵi resýrstar, Indýstriia jáne infraqurylymdyq damý ministrlikteri, sarapshylyq qaýymdastyqtar uiymdastyrdy. Bul talqylaýlarǵa ártúrli sarapshylar, avtoóndirýshiler - bári-bári qatysty. Árine, pikir óte kóp. Elimizge sheteldik eski-qusqy kólikterdi kirgizý úshin ýtilalymdy múldem alyp tastaý máselesi de kóterildi. Otandyq mashina jasaý salasyna nuqsan keltirýge tyrysqandar da boldy», - dedi Roman Skliar «Habar-24» telearnasyndaǵy «Suhbat» baǵdarlamasynda.
Degenmen, ol ýtilmalymǵa qatysty tiimdi sheshim qabyldanǵanyn atap ótti.
«Sheshim qabyldandy, avtomobil ónerkásibin yntalandyrý deńgeii bizge kóliktiń barlyq túrine jáne qurastyrylatyn aýyl sharýashylyǵy tehnikasyna salynatyn kádege jaratý alymyn 50 paiyzǵa deiin tómendetýge múmkindik beredi», - dedi Skliar.
Odan bólek, Skliardyń aitýynsha, "Jasyl Damýdaǵy" 100 mlrd teńge jeńildetilgen avtonesie berýge baǵyttalatyn bolady. Nesieniń jyldyq mólsherlemesi - 4 paiyz, bastapqy jarna qajet etilmeidi.
Nesie jeti jylǵa deiingi merzimge beriledi. Bul baǵdarlamamen elimizdiń 71 myń azamaty nesiege kólik alý múmkindigine ie bolady. Sondai-aq, 30 mlrd teńge avtobýstyq parkti jańartýǵa baǵyttalatyny aityldy.
Aita keteri, Qazaqstanda ýtilizatsiialyq alym ailyq eseptik kórsetkishpen esepteledi. 2022 jylda bir AEK 3 063 teńge bolyp belgilendi. Ýtilizatsiialyq alym qozǵaltqyshtyń kólemine qarai tólenedi. Onyń naqty formýlasy bar:
- qozǵaltqyshtyń kólemi 1 000 sm3-ge deiin bolsa, 50 AEK (145 850) h 3 (koeffitsient) = 459 450 teńge;
- qozǵaltqyshtyń kólemi 2 000 sm3-ge deiin - 50 AEK (153 150 teńge) h 7 (koeffitsient) = 1 072 050 teńge;
- qozǵaltqyshtyń kólemi 3 000 sm3-ge deiin - 50 AEK (153 150 teńge) h 10 (koeffitsient) = 1 51 500 teńge.
Osylaisha, atalǵan tólemniń barlyǵy eki esege tómendeidi.
