Qaraǵandy qalasynda ústel tennisinen erler men áielder arasynda ótip jatqan el chempionatynda komandalyq synda jeńimpazdar anyqtaldy, dep habarlaidy "Ult aqparat".
BQO dene shynyqtyrý jáne sport basqarmasynyń baspasóz qyzmeti málim etkenindei, Batys Qazaqstannyń erler komandasy finalda qaraǵandylyqtardy jeńip, chempion atandy. Shyǵysqazaqstandyqtar men shymkenttikter úzdik úshtikke ilikti.
Osylaisha erler quramasy oblys tarihynda alǵash ret jeńimpaz atanyp otyr.
BQO komandasy sapynda Aidos Kenjeǵulov, Dastan Kenjeǵulov, Sanjar Jubanov, Damir Melsov jáne Bolat Nietqaliev óner kórsetti.
Al áielder arasynda komandalyq básekede qaraǵandylyqtar úzdik shyqsa, batysqazaqstandyqtar kúmis júldege ie boldy. Nur-Sultan men Shymkent qalasynyń ókilderi úshinshi oryndy bólisti.
BQO namysyn Gaýhar Álmaǵambetova, Gúlchehra Hýseinova, Alsý Saparova, Arýjan Bekish jáne Arýjan Iliias qorǵady.
Batysqazaqstandyqtardy Sarvar Nazarova men Vladislav Kýzmin jattyqtyrady.
Qazaqstan birinshiligi 14 qańtar kúni jekelei synda jalǵasyp, jeńimpaz-júldegerler anyqtalady.
