قاراعاندى قالاسىندا ٷستەل تەننيسٸنەن ەرلەر مەن ەيەلدەر اراسىندا ٶتٸپ جاتقان ەل چەمپيوناتىندا كوماندالىق سىندا جەڭٸمپازدار انىقتالدى, دەپ حابارلايدى "ۇلت اقپارات".
بقو دەنە شىنىقتىرۋ جەنە سپورت باسقارماسىنىڭ باسپاسٶز قىزمەتٸ مەلٸم ەتكەنٸندەي, باتىس قازاقستاننىڭ ەرلەر كومانداسى فينالدا قاراعاندىلىقتاردى جەڭٸپ, چەمپيون اتاندى. شىعىسقازاقستاندىقتار مەن شىمكەنتتٸكتەر ٷزدٸك ٷشتٸككە ٸلٸكتٸ.
وسىلايشا ەرلەر قۇراماسى وبلىس تاريحىندا العاش رەت جەڭٸمپاز اتانىپ وتىر.
بقو كومانداسى ساپىندا ايدوس كەنجەعۇلوۆ, داستان كەنجەعۇلوۆ, سانجار جۇبانوۆ, دامير مەلسوۆ جەنە بولات نيەتقاليەۆ ٶنەر كٶرسەتتٸ.
ال ەيەلدەر اراسىندا كوماندالىق بەسەكەدە قاراعاندىلىقتار ٷزدٸك شىقسا, باتىسقازاقستاندىقتار كٷمٸس جٷلدەگە يە بولدى. نۇر-سۇلتان مەن شىمكەنت قالاسىنىڭ ٶكٸلدەرٸ ٷشٸنشٸ ورىندى بٶلٸستٸ.
بقو نامىسىن گاۋھار ەلماعامبەتوۆا, گٷلچەحرا حۋسەينوۆا, السۋ ساپاروۆا, ارۋجان بەكٸش جەنە ارۋجان ٸليياس قورعادى.
باتىسقازاقستاندىقتاردى سارۆار نازاروۆا مەن ۆلاديسلاۆ كۋزمين جاتتىقتىرادى.
قازاقستان بٸرٸنشٸلٸگٸ 14 قاڭتار كٷنٸ جەكەلەي سىندا جالعاسىپ, جەڭٸمپاز-جٷلدەگەرلەر انىقتالادى.
