Foto: ashyq derekkóz
Qazaqta muǵalimderdiń eńbegin madaqtap, olardyń qoǵamdaǵy rólin asqaqtatatyn kóptegen týyndy bar. Ult.kz Ustazdar kúni qarsańynda elimizdiń ár bilim oshaǵynda jyl saiyn shyrqalatyn eń tanymal 5 ánge toqtaldy.
«Ustazym meniń, ustazym»
Ustazdar qaýymynyń ánuranyna ainalǵan, el arasynda keń taralǵan bul ándi kompozitor Ábilahat Esbaev pen aqyn Amanjol Shámkenov jazǵan. Estelikterge súiensek, 1960 jyly Almatyda ótken muǵalimderdiń quryltaiynda ustazdar týraly jańa án kerek bolyp, Jamal Omarova «Bul ándi tek Ábilahat qana jaza alady» dep úlken senim artady. Osylaisha bir kúnniń ishinde jazylǵan án kóptiń kóńilinen shyǵady.
«Ustazym» ánin qazirgi tańda ánshi Aqbota Kerimbekov naqyshyna keltirip oryndap júr.
Aqbota Kerimbekova – «Ustazym»
Sózi: Amanjol Shamkenov; Áni: Ábilahat Espaev
Tulǵańdy armanyma uqsatqanmyn,
Úlgińdi kóńilime qystatqanmyn,
Esimde, álippeni jattatqyzyp,
Eń alǵash qolǵa qalam ustatqanyń.
Qaiyrmasy:
Ustazym, meniń ustazym,
Ózińmen ótken qys-jazym.
Qaldyrǵan iziń máńgilik
Jadymda turar jańǵyryp,
Ustazym, meniń ustazym.
Zerdemdi sen ashpasań ne eter edim
Ómirden sybaǵasyz keter edim.
Ǵajaiyp dúnieniń syryn ashyp,
Qiiaǵa qyzyqtyryp jetelediń.
Qaiyrmasy:
Ózińnen ómirge azyq ala berdim,
Ushyryp meni alysqa qala berdiń.
Boiymda otyń ketti ushqyn atqan
Keledi jana bergim, jana bergim.
Qaiyrmasy:
«Alǵashqy ustazym»
«Ǵalym da, shahter de bas ietin, Ustazym, bar seniń qasietiń» degen sózdi ár bala shyrqap ósti. Ánniń avtorlary — aqyn Nursultan Álimqulov pen kompozitor Áshir Moldaǵaiynov. Qos ónerpazdyń shyǵarmashylyǵynyń sharyqtaý shegi 1970-1980 jyldar kezeńine kelgenin eskersek, bul án de sol kezeńde týǵan dep topshylaimyz. Nursultan Álimqulovtyń atymen qazirde Almatynyń Qarasai aýdanynda orta mektep atalǵan.
«Alǵashqy ustazym» ánin «Mýzart» toby án-keshterde jii oryndaidy.
«Alǵashqy ustazym»
Ǵalym da, kenshi de bas ietin,
Ustazym, bar seniń qasietiń.
Bilim bergen, oi bergen, aqyl bergen,
Kóz aldymnan ketpeidi asyl beineń.
Ustazym!
Aqylshy dos, oi-armanym,
Arnalsyn saǵan osy aiaýly ánim.
Kútedi bizderdi úmit aldan,
Ustazym, men seni umyta alman.
Úiretem dep ómirdiń parasatyn,
Aǵardy ǵoi biz úshin qara shashyń…
Ustazym!
Aqylshy dos, oi-armanym,
Arnalsyn saǵan osy aiaýly ánim.
«Muǵalim — ol bizdiń»
Qazaqstannyń halyq jazýshysy, aqyn, aýdarmashy Muzafar Álimbaevtyń qazaq balalar ádebietine sińirgen eńbegi zor. Aqynnyń "Muǵalim ol bizdiń" óleńine kompozitor Ibragim Núsipbaev án jazyp, ustazdardy ulyqtaityn, urpaqtan urpaqqa jalǵasatyn keremet týyndy dúniege keldi.
«Muǵalim — ol bizdiń»
Sózi: M.Álimbaev, Áni: I.Núsipbaev
Bilimniń kiltindei,
"Álippe" ustatqan.
Oqýǵa irkilmei,
Toqýǵa ustartqan.
Qaiyrmasy:
Qamqory ul, qyzdyń –
Muǵalim – ol bizdiń.
Qiynǵa tózýge
Úiretken qashanda.
Jamannan bezýge
Jaqsylyq jasaýǵa.
Qaiyrmasy:
Atam da syilaityn
Atamnyń tustasy.
Papam da syilaityn
Aýyldyń ustazy.
Qaiyrmasy:
«Ustazym»
Ustazdar kúninde jii shyrqalatyn ánderdiń biri kompozitor Arman Dúisenovtyń áýenine jáne aqyn Bekarys Shoibekovtyń sózine jazylǵan «Ustazym» áni. Eń alǵash týyndyny kompozitor ánshi Dinara Qyryqbaevamen oryndap shyqty.
Arman Dúisenov 2023 jyly dúnie saldy, artynan ulaǵatty ustazdarǵa arnap, máńgi óshpes týyndy qaldyrdy.
«Ustazym»
Sózi: Bekarys Shoibekov; Áni: Arman Dúisenov
Tyńdaǵan kóńildegi tolǵamymdy
Shyn alǵan tárbiemmen talǵamymdy
Ómirdiń maǵan syi dep bilemin
Ózińdei janǵa shákirt bolǵanymdy
Talpynǵan balapan em uiadaǵy
Qyrandai jetildirdiń uiadaǵy
Ustazǵa degen ystyq saǵynyshym
Bir ánge qalai ǵana syia alady.
Qaiyrmasy:
Ustazym meniń
Qamqorym ediń
Baýlyǵan osy ónerge
Júregim darhan
Ózińniń arqań
Biikke shyqsam egerde.
Ónerdiń men bilmeitin qatparlaryn,
Janyma sińirgenshe toqtalmadym.
Aldymnan shyqty búgin qolyn bulǵap,
Qansha jyl qiialdaǵan tátti armanym.
Qaiyrmasy:
«Ustazym»
Muǵalimderge arnap, keiingi jyldary shyqqan ánderdiń ishinde kompozitor, ánshi Ulyqpan Joldasovtyń "Ustazym" áni de tanymal. Ánge sóz jazǵan - aqyn, qazirde depýtat Rinat Zaiytov.
«Ustazym»
Sózi: R.Zaiytov, Áni: U.Joldasov
1.Aiamai ter tógesiń
Tárbie men tálimge
Óz balańdai kóresiń
Shákirtińnin bárin de.
Eńbegiń bar esimiń
Keleshekke qaldyrǵan.
Balapandar keshegi
Qyran bolyp ósedi
Qanattanyp seniń aldyńa.
Qaiyrmasy:
Alystamaityn asqarym
Men úshin máńgi jas shaǵyń
Tup-tunyq taza bastaýym,
Ustazym!
Júrektiń qalar tórinde
Ár sóziń qýat kóńilge
Joldama bergen ómirge,
Ustazym!
2.Ómir jaily oilasam
San-synaqqa salady.
Dál ózińdei bir adam
Jaqsy kórmes balany.
Sekildisiń beinekór
Maǵan asqaq aibynyń
Erkeleitin, eretin
Beinetińe senetin
Shákirtteriń seniń bailyǵyń.
Qaiyrmasy:
