Áskeri ǵylymdar doktory, Resei zymyran jáne artilleriia ǵylymdary akademiiasy prezidentiniń orynbasary Konstantin Sivkov Úshinshi dúniejúzilik soǵys bastalýy múmkin negizgi oryndardy tizip shyqty. Sarapshynyń maqalasyn "Voenno-promyshlennyi kýrer" gazeti jariialady.
Mamannyń pikirinshe, áskeri qaqtyǵystar "batys elderi qoldaý kórsetip jatqan óńirlik qaishylyqtardyń shielenisýi arqyly kúsheiedi".
"Irak pen Siriianyń bir bóligin kúshpen tartyp alý arqyly kúrd memleketin qurý soǵys órtin tutandyrýy múmkin", — dep boljam jasady sarapshy.
Sivkov alpaýyt elderdiń, mysaly Túrkiianyń ishki problemalary olardyń óz ishinde azamattyq soǵystyń bastalýyna sebep bolýy múmkin ekenin joqqa shyǵarmaidy.
Sarapshy "AQSh, Izrail, NATO elderi men olardyń Parsy shyǵanaǵy monarhiialaryndaǵy odaqtastary Iranǵa qarsy basqynshylyq jasaýy yqtimal" ekenin de atap ótti.
"Bul óte aýqymdy jergilikti soǵys bolady", — dep jazdy maman. Mundai soǵys paida bolǵan jaǵdaida sarapshy "Iran zymyran-iadrolyq baǵdarlamasyn qaita qolǵa alady nemese ol Parsy shyǵanaǵy jetekshi elderiniń birimen, birinshiden, Saýd Arabiiasymen qaqtyǵysady" dep esepteidi.
Onyń aitýynsha, Iemende soǵys jalǵasady. Al shyǵysta orta merzimdi bolashaqtaǵy áskeri qaqtyǵystardyń negizgi kózi Korei túbegindegi qaishylyqtar bolady, daýly aral úshin Japoniia men Qytai, al Kýril araly úshin Japoniia men Resei arasynda shi shyǵady.
