ەسكەري عىلىمدار دوكتورى, رەسەي زىمىران جەنە ارتيللەرييا عىلىمدارى اكادەميياسى پرەزيدەنتٸنٸڭ ورىنباسارى كونستانتين سيۆكوۆ ٷشٸنشٸ دٷنيەجٷزٸلٸك سوعىس باستالۋى مٷمكٸن نەگٸزگٸ ورىنداردى تٸزٸپ شىقتى. ساراپشىنىڭ ماقالاسىن "ۆوەننو-پرومىشلەننىي كۋرەر" گازەتٸ جارييالادى.
ماماننىڭ پٸكٸرٸنشە, ەسكەري قاقتىعىستار "باتىس ەلدەرٸ قولداۋ كٶرسەتٸپ جاتقان ٶڭٸرلٸك قايشىلىقتاردىڭ شيەلەنٸسۋٸ ارقىلى كٷشەيەدٸ".
"يراك پەن سيرييانىڭ بٸر بٶلٸگٸن كٷشپەن تارتىپ الۋ ارقىلى كٷرد مەملەكەتٸن قۇرۋ سوعىس ٶرتٸن تۇتاندىرۋى مٷمكٸن", — دەپ بولجام جاسادى ساراپشى.
سيۆكوۆ الپاۋىت ەلدەردٸڭ, مىسالى تٷركييانىڭ ٸشكٸ پروبلەمالارى ولاردىڭ ٶز ٸشٸندە ازاماتتىق سوعىستىڭ باستالۋىنا سەبەپ بولۋى مٷمكٸن ەكەنٸن جوققا شىعارمايدى.
ساراپشى "اقش, يزرايل, ناتو ەلدەرٸ مەن ولاردىڭ پارسى شىعاناعى مونارحييالارىنداعى وداقتاستارى يرانعا قارسى باسقىنشىلىق جاساۋى ىقتيمال" ەكەنٸن دە اتاپ ٶتتٸ.
"بۇل ٶتە اۋقىمدى جەرگٸلٸكتٸ سوعىس بولادى", — دەپ جازدى مامان. مۇنداي سوعىس پايدا بولعان جاعدايدا ساراپشى "يران زىمىران-يادرولىق باعدارلاماسىن قايتا قولعا الادى نەمەسە ول پارسى شىعاناعى جەتەكشٸ ەلدەرٸنٸڭ بٸرٸمەن, بٸرٸنشٸدەن, ساۋد ارابيياسىمەن قاقتىعىسادى" دەپ ەسەپتەيدٸ.
ونىڭ ايتۋىنشا, يەمەندە سوعىس جالعاسادى. ال شىعىستا ورتا مەرزٸمدٸ بولاشاقتاعى ەسكەري قاقتىعىستاردىڭ نەگٸزگٸ كٶزٸ كورەي تٷبەگٸندەگٸ قايشىلىقتار بولادى, داۋلى ارال ٷشٸن جاپونييا مەن قىتاي, ال كۋريل ارالى ٷشٸن جاپونييا مەن رەسەي اراسىندا شي شىعادى.
