Kólik politseileri ushaq bortynda elektrondy temeki shekken áieldi áýe reisinen túsirip aldy, dep habarlaidy "Ult aqparat" kóliktegi politsiia departamentiniń baspasóz qyzmetine silteme jasap.
Jyl basynan beri elimizdiń kólik politseileri túrli ákimshilik quqyq buzýshylyqtar úshin 43 277 azamatty ákimshilik jaýapkershilikke tartty, onyń ishinde qoǵamdyq orynda temeki tartqany úshin – 2 981 adam jazalandy.
«Máselen, 11 qazan kúni Qaraǵandy qalasy áýejaiyndaǵy Jelilik politsiia bólimshesine «FlyArystan» AQ áýe kompaniiasynyń ókilinen «Almaty - Qaraǵandy» baǵytyndaǵy áýe kemesiniń bortynda quqyq buzýshylyq bolǵany týraly habarlama kelip tústi. Tekserý barysynda kólik politseileri áýe kemesi bortynda elektrondy temeki shekken 26 jastaǵy Almaty qalasynyń turǵynyn anyqtady. Azamatsha áýe kemesi komandiriniń aktisi boiynsha reisten túsirildi» delingen habarlamada.
Atalǵan fakti boiynsha QR ÁQBtK 441-babynyń 1-2 tarmaǵy boiynsha ákimshilik hattama toltyrylyp, oǵan 50 AEK kóleminde aiyppul salyndy.
