كٶلٸك پوليتسەيلەرٸ ۇشاق بورتىندا ەلەكتروندى تەمەكٸ شەككەن ەيەلدٸ ەۋە رەيسٸنەن تٷسٸرٸپ الدى, دەپ حابارلايدى "ۇلت اقپارات" كٶلٸكتەگٸ پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
جىل باسىنان بەرٸ ەلٸمٸزدٸڭ كٶلٸك پوليتسەيلەرٸ تٷرلٸ ەكٸمشٸلٸك قۇقىق بۇزۋشىلىقتار ٷشٸن 43 277 ازاماتتى ەكٸمشٸلٸك جاۋاپكەرشٸلٸككە تارتتى, ونىڭ ٸشٸندە قوعامدىق ورىندا تەمەكٸ تارتقانى ٷشٸن – 2 981 ادام جازالاندى.
«مەسەلەن, 11 قازان كٷنٸ قاراعاندى قالاسى ەۋەجايىنداعى جەلٸلٸك پوليتسييا بٶلٸمشەسٸنە «FlyArystan» اق ەۋە كومپانيياسىنىڭ ٶكٸلٸنەن «الماتى - قاراعاندى» باعىتىنداعى ەۋە كەمەسٸنٸڭ بورتىندا قۇقىق بۇزۋشىلىق بولعانى تۋرالى حابارلاما كەلٸپ تٷستٸ. تەكسەرۋ بارىسىندا كٶلٸك پوليتسەيلەرٸ ەۋە كەمەسٸ بورتىندا ەلەكتروندى تەمەكٸ شەككەن 26 جاستاعى الماتى قالاسىنىڭ تۇرعىنىن انىقتادى. ازاماتشا ەۋە كەمەسٸ كومانديرٸنٸڭ اكتٸسٸ بويىنشا رەيستەن تٷسٸرٸلدٸ» دەلٸنگەن حابارلامادا.
اتالعان فاكتٸ بويىنشا قر ەقبتك 441-بابىنىڭ 1-2 تارماعى بويىنشا ەكٸمشٸلٸك حاتتاما تولتىرىلىپ, وعان 50 اەك كٶلەمٸندە ايىپپۇل سالىندى.
