«Nur-Sultan–Aqtaý» jáne «Almaty-Aqtaý» baǵytyndaǵy áýe reisinde temeki shekkeni úshin er men áiel adam reisten túsirildi, dep habarlaidy "Ult aqparat".
«Osy jyldyń 19 shildesinde Aqtaý qalasynyń áýejaiyndaǵy jelilik politsiia bólimine «AirAstana» AQ áýe kompaniiasynyń ókilinen «Nur-Sultan – Aqtaý» baǵytyndaǵy áýe reisinde quqyqbuzýshynyń baryn málim etti», - dep habarlaidy kóliktegi politsiia departamenti bastyǵynyń orynbasary Qalijan Qabdoldin.
Onyń aitýynsha tekserý barysynda Qaraǵandy qalasynyń 34 jastaǵy turǵyny áýe kemesiniń ishinde elektrondy temeki shekkeni belgili bolǵan. Áýe kemesiniń komandiriniń aktisi boiynsha ol atalǵan reisten túsirilgen.
«Atalǵan fakt boiynash QR ÁQBK 441-baby 1-2 bóligi boiynsha ákimshilik hattama toltyrylyp, oǵan 50 AEK kóleminde aiyppul salyndy», - deidi politsiia polkovnigi.
Qalijan Qabdoldinniń sózinshe dál sol kúni osyndai jaǵdai «Almaty – Aqtaý» baǵytyndaǵy áýe kemesinde de bolǵan. Bul joly 1986 jyly týǵan áiel de áýe kemesiniń ishinde elektrony sigaret shekken. Akt boiynsha áiel áe reisinen túsirilgen. Oǵan da 50 AEK kóleminde aiyppul salynǵan.
Kóliktegi politsiia departamenti jyl basynan beri ártúrli quqyqbuzýshylyq boiynsha 22 494 adamǵa qatysty ákimshilik hattama toltyrǵan. Onyń ishinde 1 706 adam temeki shekkeni úshin jazalanǵan.
