East Wing áýe kompaniiasynyń ókilderi An-28 ushaǵynda bolǵan pilottar jaily aityp berdi, - dep habarlaidy kaz.tengrinews.kz tilshisi.
"Ushaq tómendegen kezde bort pen dispetcherdiń arasynda bailanys úzildi. Iaǵni, pilotar qalai ushyp jatqandary jaily eshteńe aitpady, úndemei otyrǵan. Olardyń nelikten úndemegenin sarapshylar anyqtaýy tiis. Ushaqtyń qozǵaltqyshynda qandai da bir aqaý boldy degen sóz ótirik", - dedi East Wing áýe kompaniiasynyń prezidenti Vitalii Masalitin.
"Ushaq jerge qulaǵansha tómen ushyp júrdi. Áýe apaty bolǵan kezde ushaqtyń 2018 jyldyń shildesine deiin jaramdylyǵy bar ekeni jaily sertifikat boldy. Áýe kemese 17 jolaýshyǵa deiin tasymaldai aldy jáne onyń kishi aviatsiiaǵa qatysy joq. Oqiǵa ornynda ushýǵa qatysty málimetter tabyldy. Olardyń barlyǵy ári qarai tolyq ári muqiiat zerttelý úshin halyqaralyq uiymdarǵa jiberiledi. Barlyq material memleketaralyq áýe komitetiniń mamandary jumysty aiaqtaǵanǵa deiin saqtalady. Tergeý aiaqtalǵanda áýe apatynyń qorytyndysy qoljetimdi bolady", - dedi investitsiialar jáne damý vitse-ministri Roman Skliar Almatyda ótken brifing barysynda.
Áýe kompaniiasynyń ókilderi ekinshi pilot Evgenii Kýtafinniń týystarynyń Almatyǵa kele almaitynyn aityp ótti. "Biz Oraldaǵy týystarymen sóilestik. Anasy naýqas eken, kele almaidy", - dedi Vitalii Masalitin.
Sondai-aq, kompaniiadaǵylar ózderiniń qyzmetkerleriniń kásibiligi jaily aityp berdi. "Ushý ekipajy jaily aitatyn bolsaq, Tsoidyń eńbek ótili bar, 12 000 myńǵa jýyq saǵat ushty. Bizde biraz jumys istedi, ózi Bishkekten. Biz ony ózimiz jumysqa shaqyrdyq. Bizdiń kompaniiada eki jyl jumys istedi. Pilot Kýtafin Oral qalasynan. Jasy shamamen 30-da. 400 saǵat ushty. Eńbek ótili jetkilikti. Qazaqstan aýmaǵynda shamamen bes jyl ýaqyt jumys istedi", - dedi Vitalii Masalitin.
Osyǵan deiin áýe apatynan qazaqstandyq belgili dáriger-professorlardyń qaza tapqany habarlanǵan bolatyn. Densaýlyq saqtaý ministrliginiń málimetinshe, 3 qazanda keshki ýaqytta Almatydan Shymkentke dárigerler brigadasy aýyr jaǵdaida jatqan júkti áielge kómektesý úshin attanǵan.
Eske salaiyq, 3 qazanda East Wing áýekompaniiasynyń AN-28 ushaǵy ushyp shyqqannan keiin 12 minýt ótkende radardan joǵalyp ketken edi. Keiin ushaq Almaty túbinde órtenip jatqan jerinen tabylǵan. Bortta bolǵan bes adam qaza tapqan.
