Almaty qalasy mańynda ushaq apatynan qaza tapqan 12 adamnyń aty-jóni belgili boldy. Mundai derekti QR IIM Tótenshe jaǵdailar komitetininen jariia etti, dep habarlaidy "Ult aqparat".
Vedomstvonyń atap ótýinshe, Densaýlyq saqtaý ministrliginiń resmi deregine sáikes oqiǵa ornynda áýe kemesiniń komandiri Marat Muratbaev (1962 jyly dúniege kelgen), Nikolai Astashov (1971), Rýstam Qaidarov (1940), Baýyrjan Qaliev (1974), Bazarhan Káribaev (1951), Arshat Isina, Abai Nurbekov (1986), Sániia Amanjol qaitys bolǵan. Al Dana Krýglova (1984), Qaiyrjan Tumatov (1955) Almaty áýejaiynda kóz jumdy. Imina Ospanova (1963) men Valerii Anýfriev aýrýhanada ómirden ozdy.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna bailanysty kóńil aitty.
