الماتى قالاسى ماڭىندا ۇشاق اپاتىنان قازا تاپقان 12 ادامنىڭ اتى-جٶنٸ بەلگٸلٸ بولدى. مۇنداي دەرەكتٸ قر ٸٸم تٶتەنشە جاعدايلار كوميتەتٸنٸنەن جارييا ەتتٸ, دەپ حابارلايدى "ۇلت اقپارات".
ۆەدومستۆونىڭ اتاپ ٶتۋٸنشە, دەنساۋلىق ساقتاۋ مينيسترلٸگٸنٸڭ رەسمي دەرەگٸنە سەيكەس وقيعا ورنىندا ەۋە كەمەسٸنٸڭ كومانديرٸ مارات مۇراتباەۆ (1962 جىلى دٷنيەگە كەلگەن), نيكولاي استاشوۆ (1971), رۋستام قايداروۆ (1940), باۋىرجان قاليەۆ (1974), بازارحان كەرٸباەۆ (1951), ارشات يسينا, اباي نۇربەكوۆ (1986), سەنييا امانجول قايتىس بولعان. ال دانا كرۋگلوۆا (1984), قايىرجان تۇماتوۆ (1955) الماتى ەۋەجايىندا كٶز جۇمدى. يمينا وسپانوۆا (1963) مەن ۆالەريي انۋفريەۆ اۋرۋحانادا ٶمٸردەن وزدى.
ايتا كەتەيٸك, بٷگٸن تاڭدا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتتٸ.
كەيٸن 95 جولاۋشىسى جەنە 5 ەكيپاج مٷشەسٸ بار ۇشاقتىڭ اپاتقا ۇشىراعانى مەلٸم بولدى.
وقيعانىڭ مەن-جايىن انىقتاۋ ٷشٸن ۇشاق قۇلاعان اۋماققا ارنايى كوميسسييا ۇشىپ شىقتى.
قر پرەزيدەنتٸ قاسىم-جومارت توقاەۆ ۇشاق اپاتىنا كٸنەلٸلەر زاڭعا سەيكەس قاتاڭ جازالاناتىنىن مەلٸمدەدٸ.
ەلباسى نۇر-سۇلتان نازارباەۆ جولاۋشىلار ۇشاعىنىڭ اپاتقا ۇشىراۋىنا بايلانىستى كٶڭٸل ايتتى.
