Foto: ashyq derekkóz
Ońtústik Koreianyń Mýan áýejaiynda apatqa ushyraǵan ushaqta bir otbasynyń 9 múshesi bolǵany belgili boldy, dep habarlaidy Ult.kz.
Jeju Air kompaniiasyna tiesili Boeing 737-800 ushaǵy Bangkoktan qaityp kele jatqan. Bortta 181 jolaýshynyń arasynda 80 jastaǵy týysynyń mereitoiyn atap ótýge barǵan bir otbasynyń 9 múshesi bolǵan. Sol otbasyndaǵy eń qart adam da ushaqta bolǵany anyqtaldy. 179 adam qaza tapqan bul apatta eń úlken jastaǵy jolaýshy sol kisi bolǵan. Alaida onyń jynysy naqtylanbaǵan.
Eske sala keteiik, 29 jeltoqsan kúni Bangkoktan Ońtústik Koreianyń Mýan qalasyna ushyp bara jatqan Jeju Air áýe kompaniiasynyń Boeing 737-800 ushaǵy qoný kezinde apatqa ushyraǵan. Oqiǵa jergilikti ýaqyt boiynsha tańǵy 9:07-de oryn alǵan. Ushaq ushý-qoný jolaǵynan shyǵyp ketip, qorshaýǵa soǵylǵannan keiin órt tutanǵan.
Ushaqta 181 adam bolǵan. Ekeýi ǵana aman qalǵan – olar ekipaj músheleri, bir áiel jáne bir er adam. Ekeýi ortasha jáne aýyr jaraqattarmen aýrýhanaǵa jetkizildi. Jergilikti biliktiń aldyn ala málimetine sáikes, jolaýshylar arasynda qazaqstandyqtar bolmaǵan.
.jpg)