Tsifrlyq efirlik telehabar taratý jobasyn júzege asyrý merzimi 2022 jylǵa deiin uzartylady. Bul QR Aqparat jáne qoǵamdyq damý ministri Aida Balaevanyń Májilis depýttarynyń saýalyna bergen jaýabynda aitylǵan, dep habarlaidy "Ult aqparat".
«Qazirgi ýaqytta ministrlik tsifrlyq efirlik telehabar taratý jobasyn júzege asyrý merzimin 2022 jylǵa deiin uzartý jəne odan əri qarjylandyrý maqsatynda qarjy-ekonomikalyq negizdemeni túzetý boiynsha jumys júrgizýde. Sonymen qatar, halyqty memlekettik radiohabar taratýmen qamtý aimaǵyn keńeitý maqsatynda 2018-2020 jyldar aralyǵynda ministrlik tarapynan radiojiilikterdi bólý boiynsha konkýrstar ótkizildi. Nətijesinde osy kezeńde 17 radiotaratqysh ornatyldy. Bul shamamen 450 myń adam sany bar 170 eldi mekende (Almaty, Shyǵys Qazaqstan, Qostanai, Soltústik Qazaqstan jáne Túrkistan oblystary) radio qabyldaýdy qamtamasyz etýge múmkindik berdi», - dedi ministr.
Onyń atap ótýinshe, qazirgi jaǵdaida qoldanystaǵy memlekettik radiohabar taratý jelisi halyqtyń 88,7 paiyzyn Qazaq radiosymen, 64 paiyzyn Shalqar radiosymen qamtamasyz etip otyr.
«Degenmen, shaǵyn aýyldyq eldi mekenderde otandyq radionyń taralý deńgeii tómen ekenin atap ótý qajet. Məselen, «Qazaq« radiosy baǵdarlamasymen aýyldyq eldi mekenderdiń 48 paiyzy, «Shalqar» radiosy baǵdarlamasymen eldi mekenderdiń 70 paiyzdan astamy qamtylmaǵan. Bul rette shekara mańyndaǵy aýdandar halqynyń keminde 95 paiyz deńgeiinde memlekettik radiohabar taratýmen qamtý úshin eleýli qarjylai shyǵyndar talap etiledi. Osyǵan orai, halyqty memlekettik radiotaratýmen qamtý aimaǵyn keńeitý maqsatynda odan əri júieli jumys júrgizý úshin ministrlik tarapynan radiotaratýdy kezeń-kezeńimen damytýdyń jol kartasyn əzirleý josparlanýda», - dedi Aida Balaeva.
