Foto: Qaraǵandy oblysynyń ákimdigi
Saran qalasynyń ákimi bolyp Qaraǵandy oblysynyń ónerkásip jáne indýstriialyq-innovatsiialyq damý basqarmasynyń burynǵy basshysy Daryn Bulqaiyr taǵaiyndaldy. Bul týraly Azattyq Rýhy oblys ákimdiginiń baspasóz qyzmetine silteme jasap habarlaidy.
Jańa qala basshysyn qalalyq máslihattyń kezekten tys sessiiasynda oblys ákimi Ermaǵanbet Bólekpaev tanystyrdy. Depýtattar kandidatýrany maquldady.
Saran basshysyna qalany damytýdyń basym mindetteri belgilendi.
«Daryn Beibituly qala ákimi laýazymynda oǵan deiin bastalǵan jobalardy jalǵastyryp, aiaqtaitynyna jáne jańalaryn iske asyratynyna senimdimin, bul jergilikti turǵyndardyń ómir súrý sapasyna jáne jalpy qalanyń odan ári áleýmettik-ekonomikalyq damýyna oń áser etedi», – dedi Qaraǵandy oblysynyń ákimi Ermaǵanbet Bólekpaev.
Daryn Bulqaiyr 2012 jyldan bastap memlekettik qyzmette. Qaraǵandy qalasy ákiminiń apparatynda memlekettik-quqyqtyq bóliminiń bas mamany bolyp jumys istedi.
2013 jyldan 2015 jylǵa deiin «Qaraǵandy qalasynyń turǵyn úi qatynastary bólimi» MM bas mamany, basshysynyń orynbasary boldy.
Sodan keiin Qaraǵandy oblysynyń energetika jáne turǵyn úi-kommýnaldyq sharýashylyq basqarmasynda – bas maman-zańger, biýdjetti atqarý bóliminiń bas mamany, memlekettik satyp alý jáne quqyqtyq jumys bóliminiń basshysy bolyp jumys istedi.
2017 jyldan 2021 jylǵa deiin Qaraǵandy qalasy Oktiabr aýdany ákiminiń orynbasary qyzmetin atqardy.
2021 jyldan 2023 jyldyń shildesine deiin Qaraǵandy oblysynyń jer qatynastary basqarmasyn basqardy.
2023 jyldyń shildesinen bastap osy taúaiyndaýǵa deiin Qaraǵandy oblysynyń ónerkásip jáne indýstriialyq-innovatsiialyq damý basqarmasyn basqardy.
