"Týystarynyń pikirinshe byltyr qyrkúiek aiynda dúiim jurttyń jaǵasyn ustatqan úsh aǵaiyndynyń óliminiń áli de ashylmaǵan tustary bar. Bul týraly marqumnyń týysy Erkin Beisekei QazAqparat tilshisine bergen suhbatynda málim etti", - dep habarlaidy "Ult aqparat".
Onyń sózinshe, marqumdardy atqan qarýdyń iesi bostandyqta júr.
«Marqumdardy atqan qarý jáne tintý barysynda taǵy bir qarý paida bolǵan. Osy qarýlardyń ieleri bostandyqta júr. Osy is boiynsha joǵarǵy jaqtaǵylarǵa aitarymyz, atalǵan qarý jóninde tergeý aiaǵyna jetken joq. Sebebine biz áli jete almai otyrmyz», - deidi Erkin Beisekei.
Sondai-aq ol quzyrly organ ókilderi sottalǵandardan moraldyq jáne materialdyq shyǵyndy ýaqyt ozdyrmai óndirip berse dep otyr. Sebebi, qaza bolǵan marqumdardyń artynda 8 bala jetim, jarlary jesir qaldy. Al, úsh aǵaiyndyny azaptap óltirdi dep sottalǵan Talǵat Súleimenov pen Murat Ońalbaevqa jalpy quny 105 mln teńge materialdyq jáne moraldyq shyǵyndy óteý jóninde sot úkimi shyqqan bolatyn. Aita ketý kerek, úsh aiyndynyń qazasy týystary úshin óte aýyr boldy. Marqum Jarqynbek Doldannyń anasy ulynyń qazasyn kótere almai, qaitys boldy. Erteń jetisi ótedi.
Búgin Almaty oblystyq sotynda úsh aǵaiyndyny óltirgenderdiń appeliatsiialyq shaǵymy qaraldy. Sot alqasy shaǵymdy qanaǵattandyrýsyz qaldyrdy. Muqiiat Zarylhan, Jarqynbek Doldan jáne Qadilbek Álimhandy óltirdi jáne qylmys boiynsha habarlamady degen aiyppen úsh adam sottalǵan bolatyn. Talǵat Súleimenov ómir boiyna temir torǵa qamaldy. Al Murat Ońalbaev 25 jylǵa, Baqyt Baiqasymov 4 jylǵa sottalǵan edi. Al, Qarasai aýdandyq sotynda qaralǵan qylmystyq istiń úkimi 29 qarashada shyqqan bolatyn.
