Jýrnalist Rýslan Ótepbai mańyzdy málimdeme jasady, dep habarlaidy ult.kz.
Onyń aitýynsha, biyl 20 sáýirde Qyzylorda oblysynyń 16 jastaǵy turǵyny Suńqar Sábit Úndistan astanasy Delide qaitys bolǵan. Ol anasymen birge atalyq beziniń qaterli isigin emdetý úshin shetelge barǵan.
«Týystarynyń aitýynsha, dárigerler himiialyq terapiiany bastamas buryn bolashaqta urpaq súiý múmkindigin saqtaý maqsatynda jasóspirimniń uryǵyn arnaiy jaǵdaida qatyryp saqtaǵan», - dep jazdy jýrnalist.
Alaida Suńqar qaterli isikten emes, júregindegi trombtyń jarylýy saldarynan kóz jumypty.
«Qazir qara jamylǵan ananyń basty maqsaty- Úndistandaǵy meditsinalyq mekemede saqtaýly turǵan ulynyń uryǵyn Qazaqstanǵa aldyrtý. Búgin osy máseleni sheshý úshin Indiiaǵa ushqaly jatyrmyn», - dep jazdy Rýslan Ótepbai.
Aita keteiik, buǵan deiin kenje balasynan aiyrylǵan Raihan Málikova deldaldarǵa jem boldym degen edi.
Qolyndaǵy bar aqshasyn berse de úndistandyq dárigerler jasóspirimge em jasap úlgermegen. Sol elde tekseristen ótip júrgen Suńqar Sábit 12 kúnnen soń kóz jumǵan. Al jetkinshekti shetelge alyp barýǵa járdemdesken “Medical travel” kompaniiasynyń basshylary marqumnyń anasynan bir tiyn da almadyq degen.
