جۋرناليست رۋسلان ٶتەپباي ماڭىزدى مەلٸمدەمە جاسادى, دەپ حابارلايدى ult.kz.
ونىڭ ايتۋىنشا, بيىل 20 سەۋٸردە قىزىلوردا وبلىسىنىڭ 16 جاستاعى تۇرعىنى سۇڭقار سەبيت ٷندٸستان استاناسى دەليدە قايتىس بولعان. ول اناسىمەن بٸرگە اتالىق بەزٸنٸڭ قاتەرلٸ ٸسٸگٸن ەمدەتۋ ٷشٸن شەتەلگە بارعان.
«تۋىستارىنىڭ ايتۋىنشا, دەرٸگەرلەر حيمييالىق تەراپييانى باستاماس بۇرىن بولاشاقتا ۇرپاق سٷيۋ مٷمكٸندٸگٸن ساقتاۋ ماقساتىندا جاسٶسپٸرٸمنٸڭ ۇرىعىن ارنايى جاعدايدا قاتىرىپ ساقتاعان», - دەپ جازدى جۋرناليست.
الايدا سۇڭقار قاتەرلٸ ٸسٸكتەن ەمەس, جٷرەگٸندەگٸ ترومبتىڭ جارىلۋى سالدارىنان كٶز جۇمىپتى.
«قازٸر قارا جامىلعان انانىڭ باستى ماقساتى- ٷندٸستانداعى مەديتسينالىق مەكەمەدە ساقتاۋلى تۇرعان ۇلىنىڭ ۇرىعىن قازاقستانعا الدىرتۋ. بٷگٸن وسى مەسەلەنٸ شەشۋ ٷشٸن ينديياعا ۇشقالى جاتىرمىن», - دەپ جازدى رۋسلان ٶتەپباي.
ايتا كەتەيٸك, بۇعان دەيٸن كەنجە بالاسىنان ايىرىلعان رايحان مەلٸكوۆا دەلدالدارعا جەم بولدىم دەگەن ەدٸ.
قولىنداعى بار اقشاسىن بەرسە دە ٷندٸستاندىق دەرٸگەرلەر جاسٶسپٸرٸمگە ەم جاساپ ٷلگەرمەگەن. سول ەلدە تەكسەرٸستەن ٶتٸپ جٷرگەن سۇڭقار سەبيت 12 كٷننەن سوڭ كٶز جۇمعان. ال جەتكٸنشەكتٸ شەتەلگە الىپ بارۋعا جەردەمدەسكەن “مedical travel” كومپانيياسىنىڭ باسشىلارى مارقۇمنىڭ اناسىنان بٸر تيىن دا المادىق دەگەن.
