«Qazatomónerkásip» ulttyq atomdyq kompaniiasy» AQ Basqarma tóraǵasy Ǵalymjan Pirmatov kompaniianyń qazirgi ahýalyn baiandady, dep habarlaidy QazAqparat.
«Búginde biz jedel sharalarmen qatar, salany damytý, kompaniia qunyn arttyrý boiynsha uzaq merzimdi mindetterdi de atqaryp jatyrmyz. Elimizdiń ýran zapasyna degen túbegeili jańa qarym-qatynas jóninde de jumys isteýdemiz. Sizge baiandaǵanymdai (Nursultan Nazarbaevqa - red.), ýran zapasyna siz «Qazatomónerkásipke» basqarýǵa senip tapsyrǵan aktiv retinde qaraimyz. Bul aktivterdi uzaq merzimdi barlyq steikholderlerdiń tabysyn arttyrý maqsatynda basqaratyn bolamyz», - dedi Ǵ. Pirmatov Elbasy tóraǵalyǵymen ótken «Samuryq-Qazyna» ulttyq ál-aýqat qoryn basqarý jónindegi keńes otyrysynda.
Spikerdiń aitýynsha, Qazaqstan - álemdegi eń iri ýran óndirýshi el jáne ýran baǵasy da aitarlyqtai ósken.
«Biyl ýran baǵasy 40 paiyzǵa qymbattap, kompaniiamyzdyń naryqtaǵy jaǵdaiyn jaqsartýǵa jáne qarjylyq múmkindikterin nyǵaitýǵa múmkindik berdi. Qazir shtattyq rejimde jumys istep jatyrmyz, esh qysqartý men jumystan shyǵarýǵa jol berilmedi», - dedi Ǵ. Pirmatov.
