Qazaqstan Ulttyq qaýipsizdik komiteti stendap-komik Nurlan Sabýrovqa qatysty júrgizilgen tekserý jumystarynyń qorytyndysyn jariia etti, dep habarlaidy ult.kz.
Buǵan deiin áleýmettik jelilerde ázilkeshtiń Reseidegi jeke áskeri kompaniiamen (JÁK) bailanysty qurylymdardy qarjylandyrýǵa qatysy bolýy múmkin degen aqparat taraǵan bolatyn. Osyǵan bailanysty UQK aqpan aiynda atalǵan derekter boiynsha tekserý bastalǵanyn habarlaǵan edi.
Vedomstvonyń búgingi málimetine sáikes, tekserý aiaqtalyp, eshqandai zańbuzýshylyq belgileri anyqtalmaǵan.
“Tergeý nátijesinde quqyq buzýshylyq faktileri rastalmady”, – delingen UQK baspasóz qyzmetiniń habarlamasynda.
Aita keteiik, buǵan deiin reseilik keibir BAQ-tar Nurlan Sabýrovqa Resei aýmaǵyna kirýge 50 jylǵa shekteý qoiylǵany jóninde aqparat taratqan bolatyn. Sonymen qatar Qazaqstan Syrtqy ister ministrligi bul jaǵdaiǵa qatysty túsinikteme berip, ázirge ázilkeshtiń ózi nemese onyń ókilderi resmi túrde Qazaqstannyń Reseidegi elshiligine júginbegenin aitqan edi.
Keiin Nurlan Sabýrovtyń Almatyǵa kelgeni belgili boldy.
