قازاقستان ۇلتتىق قاۋٸپسٸزدٸك كوميتەتٸ ستەنداپ-كوميك نۇرلان سابۋروۆقا قاتىستى جٷرگٸزٸلگەن تەكسەرۋ جۇمىستارىنىڭ قورىتىندىسىن جارييا ەتتٸ, دەپ حابارلايدى ult.kz.
بۇعان دەيٸن ەلەۋمەتتٸك جەلٸلەردە ەزٸلكەشتٸڭ رەسەيدەگٸ جەكە ەسكەري كومپانييامەن (جەك) بايلانىستى قۇرىلىمداردى قارجىلاندىرۋعا قاتىسى بولۋى مٷمكٸن دەگەن اقپارات تاراعان بولاتىن. وسىعان بايلانىستى ۇقك اقپان ايىندا اتالعان دەرەكتەر بويىنشا تەكسەرۋ باستالعانىن حابارلاعان ەدٸ.
ۆەدومستۆونىڭ بٷگٸنگٸ مەلٸمەتٸنە سەيكەس, تەكسەرۋ اياقتالىپ, ەشقانداي زاڭبۇزۋشىلىق بەلگٸلەرٸ انىقتالماعان.
“تەرگەۋ نەتيجەسٸندە قۇقىق بۇزۋشىلىق فاكتٸلەرٸ راستالمادى”, – دەلٸنگەن ۇقك باسپاسٶز قىزمەتٸنٸڭ حابارلاماسىندا.
ايتا كەتەيٸك, بۇعان دەيٸن رەسەيلٸك كەيبٸر باق-تار نۇرلان سابۋروۆقا رەسەي اۋماعىنا كٸرۋگە 50 جىلعا شەكتەۋ قويىلعانى جٶنٸندە اقپارات تاراتقان بولاتىن. سونىمەن قاتار قازاقستان سىرتقى ٸستەر مينيسترلٸگٸ بۇل جاعدايعا قاتىستى تٷسٸنٸكتەمە بەرٸپ, ەزٸرگە ەزٸلكەشتٸڭ ٶزٸ نەمەسە ونىڭ ٶكٸلدەرٸ رەسمي تٷردە قازاقستاننىڭ رەسەيدەگٸ ەلشٸلٸگٸنە جٷگٸنبەگەنٸن ايتقان ەدٸ.
كەيٸن نۇرلان سابۋروۆتىڭ الماتىعا كەلگەنٸ بەلگٸلٸ بولدى.
