Alaiaq birneshe ret adamdardy qomaqty somaǵa aldaǵan. Tergeý barysynda is boiynsha qylmys jasaýdyń 6 epizody tirkeldi. Bul týraly Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov aitty, dep habarlaidy QazAqparat.
«Sybailas jemqorlyqqa qarsy qyzmet alaiaqqa qatysty tergeý amaldaryn aiaqtady. Ol ózin Sybailas jemqorlyqqa qarsy qyzmetqyzmetkeri retinde tanystyryp, aldaý jolymen túrli máselelerdi sheshetinin aityp, 15-ten 30 myń AQSh dollaryna deiin jáne 30 mln-nan 60 mln teńgege deiin aqsha alǵan. Jalpy is boiynsha qylmys jasaýdyń 6 epizody tirkeldi», - dedi Daniiar Bekaidarov Antikor ortalyǵynda ótken brifingide.
Onyń aitýynsha, ýniversitettiń bilim berý qyzmetimen ainalysýǵa litsenziiadan aiyrmaý úshin Bilim jáne ǵylym ministrliginiń komissiiasymen máseleni sheshetinin jeleý etip, 30 myń dollar jáne 60 mln teńge qarajat alǵan.
Munymen qosa, jeke kompaniianyń paidasyna máseleni oń sheshpek bolyp 15 myń dollar, Nur-Sultan qalasynyń ákimdigine jumysqa ornalastyrǵany úshin 25 myń dollar almaq bolǵany belgili boldy.
