Úndistannyń Premer-Ministri Narendra Modi Qazaqstannyń Tuńǵysh Prezidenti – Elbasy Nursultan Nazarbaevqa myqty densaýlyq pen tezirek saýyǵyp ketýin tiledi, dep habarlaidy "Ult aqparat".
«Qazaqstannyń Tuńǵysh Prezidenti – Elbasy Nursultan Nazarbaevqa myqty densaýlyq pen tezirek saýyǵyp ketýin tileimin. Biz dosymyz jáne strategiialyq seriktesimiz – Qazaqstandy koronavirýs pandemiiasyna qarsy kúreste qoldaimyz», - dep jazdy Úndistannyń Premer-Ministri Twitter-de.
Eske salaiyq, 18 maýsymda Elbasynyń koronavirýsqa jasaǵan PTsR-testi oń nátije bergeni belgili boldy. QR Tuńǵysh Prezidenti – Elbasynyń baspasóz hatshysy Aidos Úkibai Nursultan Nazarbaevtyń densaýlyǵy meditsina qyzmetiniń baqylaýynda ekenin habarlady. Elbasy zamanaýi kommýnikatsiia kanaldaryn qoldana otyryp, qashyqtan jumys istep jatyr.
