Almatyda kóshi-qon zańnamasynyń talaptaryn buzǵan Úndistan Respýblikasynyń 35 azamaty Qazaqstan aýmaǵynan shyǵaryldy, dep habarlaidy ult.kz.
Politsiianyń málimetinshe, olardyń barlyǵy elimizde bolýǵa ruqsat etilgen merzimnen asyryp, Qazaqstanda zańsyz júrgen.
Nysanaly tekserý sharalary barysynda Almaty qalasy Politsiia departamentiniń kóshi-qon qyzmeti basqarmasynyń qyzmetkerleri shetel azamattarynyń júrgen jerin anyqtap, olardy ustaǵan. Sot sheshimimen quqyq buzýshylardyń barlyǵy elden shyǵarylyp, politsiia qyzmetkerleri olardy áýejaidaǵy shekaralyq jáne pasporttyq baqylaýdan ótkenge deiin alyp júrgen.
Sonymen qatar, shetel azamattarynyń belgilengen merzim aiaqtalǵannan keiin Qazaqstannan ýaqytyly shyǵýyn qamtamasyz etpegen qabyldaýshy taraptar da ákimshilik jaýapkershilikke tartyldy.
Politsiia ókilderi kóshi-qon zańnamasynyń talaptaryn saqtaý shetel azamattary úshin de, olardy Qazaqstan aýmaǵynda qabyldaityn tulǵalar úshin de mindetti ekenin eske saldy. Vedomstvo bul baǵyttaǵy baqylaý jáne tekserý jumystary aldaǵy ýaqytta da jalǵasatynyn málimdedi.
