الماتىدا كٶشٸ-قون زاڭناماسىنىڭ تالاپتارىن بۇزعان ٷندٸستان رەسپۋبليكاسىنىڭ 35 ازاماتى قازاقستان اۋماعىنان شىعارىلدى, دەپ حابارلايدى ult.kz.
پوليتسييانىڭ مەلٸمەتٸنشە, ولاردىڭ بارلىعى ەلٸمٸزدە بولۋعا رۇقسات ەتٸلگەن مەرزٸمنەن اسىرىپ, قازاقستاندا زاڭسىز جٷرگەن.
نىسانالى تەكسەرۋ شارالارى بارىسىندا الماتى قالاسى پوليتسييا دەپارتامەنتٸنٸڭ كٶشٸ-قون قىزمەتٸ باسقارماسىنىڭ قىزمەتكەرلەرٸ شەتەل ازاماتتارىنىڭ جٷرگەن جەرٸن انىقتاپ, ولاردى ۇستاعان. سوت شەشٸمٸمەن قۇقىق بۇزۋشىلاردىڭ بارلىعى ەلدەن شىعارىلىپ, پوليتسييا قىزمەتكەرلەرٸ ولاردى ەۋەجايداعى شەكارالىق جەنە پاسپورتتىق باقىلاۋدان ٶتكەنگە دەيٸن الىپ جٷرگەن.
سونىمەن قاتار, شەتەل ازاماتتارىنىڭ بەلگٸلەنگەن مەرزٸم اياقتالعاننان كەيٸن قازاقستاننان ۋاقىتىلى شىعۋىن قامتاماسىز ەتپەگەن قابىلداۋشى تاراپتار دا ەكٸمشٸلٸك جاۋاپكەرشٸلٸككە تارتىلدى.
پوليتسييا ٶكٸلدەرٸ كٶشٸ-قون زاڭناماسىنىڭ تالاپتارىن ساقتاۋ شەتەل ازاماتتارى ٷشٸن دە, ولاردى قازاقستان اۋماعىندا قابىلدايتىن تۇلعالار ٷشٸن دە مٸندەتتٸ ەكەنٸن ەسكە سالدى. ۆەدومستۆو بۇل باعىتتاعى باقىلاۋ جەنە تەكسەرۋ جۇمىستارى الداعى ۋاقىتتا دا جالعاساتىنىن مەلٸمدەدٸ.
