Koronavirýstyń tez qarqynmen taralyp jatqan jańa úndilik nusqasynan bólek, úndilik ǵalymdardan taǵy bir jaǵymsyz jańalyq keldi.
Pýnadaǵy Ulttyq virýsologiia institýtynyń (NIV) jergilikti zertteýshileri alǵash ret ólimge ákeletin Nipah virýsyn Maharashtra shtatynda jarqanattardyń eki túrinen anyqtady, dep habarlaidy The Industan Times.
Qolda bar derekterge sai, Nipah virýsyn tasymaldaýshy jarqanattar Maharashtra shtatynyń Mahabaleshvar úńgirinde tabylǵan.
Nipah virýsy Dúniejúzilik densaýlyq saqtaý uiymynyń (DDSU) – 10 negizgi patogeniniń biri. Alǵash ret ólimge ákeletin virýs Malaiziiada 1998-1999 jyldary entsefalitke uqsaityn aýrýdyń órshýi kezinde shoshqalar arasynda anyqtalǵan. Virýstyń órshýi Bangladesh, Malaiziia, Úndistan jáne Singapýr elderinde bolǵan.
AQSh-tyń Aýrýlardy baqylaý jáne aldyn alý ortalyǵynyń derekteri boiynsha, 1998-2018 jyldar aralyǵynda osy virýsty juqtyrǵandar arasynda ólim-jitim deńgeii 40-tan 70 paiyzǵa deiin jetken.
Qazirgi kezde Úndistan bul virýstyń tórt órshý oqiǵasy bolǵan. Birinshi oqiǵa 2001 jyly Batys Bengaliiadaǵy Siligýride tirkelgen, ekinshi oqiǵa 2007 jyly Bengaliiadaǵy Nadiiada anyqtalǵan. Úshinshi oqiǵa 2018 jyly Kerala shtatyndaǵy Kojikodede tirkelgen, ol kezde infektsiiadan 18 adam qaitys bolǵan. Nipah virýsynyń taǵy bir tolqyny 2019 jyly Keralede bolǵan.
Qazirgi kezde bul virýsqa qarsy dári de, vaktsina da joq. Sol sebepti ǵalymdar alańdaýly.
