AQSh-tyń Djons Hopkins ýniversitetiniń málimetteri boiynsha, pandemiia kezinde 180 millionnan astam adam koronavirýspen aýyryp, 3,9 millionnan astamy qaitys boldy. 2,7 milliardtan astam adam vaktsina aldy, dep habarlaidy "Ult aqparat" VVS-ge silteme jasap.
Ulybritaniia Eýropany basyp ozdy
Ulybritaniia Eýropada koronavirýs indeti boiynsha birinshi orynǵa shyqty. Beisenbide Ulybritaniiada Covid-19-dyń 16 myńnan astam jaǵdaiy anyqtaldy (ótken aptada shamamen 11 myń).
Salystyrý úshin, Frantsiiada sol kúni aýrýdyń 2 myń jaǵdaiy tirkeldi, Germaniiada – 654. Osy aptada Ulybritaniiada indettiń «Delta» nusqasymen syrqattanýshylyq eki ese artty.
Izrail qaita maska kie bastady
Izrail Covid-19 ahýalyna bailanysty maska rejimine qaita kóshti. Bul – jergilikti biliktiń «Delta» koronavirýs shtamynyń taralýyn boldyrmaý maqsatynda qolǵa alǵan shara.
«Delta pliýs» koronavirýsy ákelgen úrei
Koronavirýstyń ekinshi tolqynynan keiin Úndistan shekteýlerdi birtindep alyp tastaidy. Alaida sarapshylar Covid-19 úshinshi tolqynyna daiyndalý kerektigin aityp otyr. Úndistanda tabylǵan «Delta pliýs» koronavirýsynyń jańa nusqasy qazirgi vaktsinalardyń áserin álsiretýi múmkin degen qaýip bar.
«Delta pliýs» – «Delta» koronavirýs nusqasynyń bir túri. Dál osy túri Covid-19-dyń ekinshi tolqynyna sebep boldy. Úndistan úkimeti «Delta pliýs» nusqasyna qatysty alańdaýshylyq bildirdi. Eger virýs álsiz adamdar arasynda tarala berse, bolashaqta mundai nusqalar kóbirek paida bolýy múmkin, deidi sarapshylar.
Alaida qazir jańa nusqadan koronavirýstyń úshinshi tolqyny paida bolatynyn naqty boljaý múmkin emes. Sarapshylar aldaǵy birneshe aptada bári ózgerýi múmkin ekenin aitady.
Sidneidiń keibir aýdandarynda, sonyń ishinde Bondi-bich Covid-19 infektsiiasynyń artýyna bailanysty kezekti ret lokdaýn engizdi. Jańa shekteýler qala ortalyǵy men qala mańyna taralady. Osylaisha, Avstraliia biligi «Deltanyń» ólimge ákeletin nusqasynyń taralýyn boldyrmaýǵa tyrysýda. Avstraliiada juma kúni koronavirýs infektsiiasynyń 16 jaǵdaiy tirkeldi. Bul – jeltoqsan aiynyń basynan bastap Sidneidegi alǵashqy lokdaýn.
Britandyq olimpiada quramasynyń bir bóligi Tokiodaǵy oiyndardyń aldynda vaktsina alǵysy kelmeidi. Bul týraly Britan Olimpiada qaýymdastyǵynyń basshysy Endi Anson málimdedi. Komitet basshysy oiyndardyń bastalýyna deiin britan sportshylarynyń 90% astamy koronavirýsqa qarsy vaktsina alatynyn, biraq ulttyq quramanyń keibir músheleri vaktsinaǵa qarsy ekenin aitty.
