Úndistanda ótken táýlikte koronavirýs infektsiiasynyń anyqtalǵan jaǵdailarynyń sany 314 835-ke artyp, 15 930 965-ke jetti. Bul týraly Úndistannyń Densaýlyq saqtaý jáne otbasylyq ál-aýqat ministrliginiń saitynda habarlandy.
Úndistanda bir táýlikte tirkelgen syrqattar sany álemdegi pandemiia tarihyndaǵy eń úlkeni boldy. Reuters aqparat agenttigi habarlaǵandai, buryn mundai jaǵdai bir kúnde resmi túrde esh jerde tirkelmegen.
15 sáýirden bastap Úndistanda 200 myńnan astam jańa virýs juqtyrǵandar tirkelip júr. Elde koronavirýs infektsiiasynyń ekinshi tolqyny áli shyńyna jetken joq jáne sarapshylar aýrýdyń qashan tómendeitini jaily boljam jasaýǵa daiyn emes. Delidiń ókpe aýrýlary boiynsha mamany TASS agenttigine bergen suhbatynda aitqanyndai, kelesi aptada eldegi naýqastardyń bir kúndik sany jarty millionnan asýy múmkin ekenin joqqa shyǵarmaidy.
Kúnine eń kóp virýs juqtyrǵandar Maharashtra shtatynda (67,468), Ýttar-Pradesh shtatynda (33,106), Delidiń Ulttyq astanalyq okrýginde (24,638), Karnataka shtatynda (23,558) jáne Kerala shtatynda (22,414) tirkeldi. Maharashtra shtaty koronavirýs infektsiiasynan bolǵan ólim-jitimniń eń kóp sany týraly habarlady – 568. Úndistan 28 shtatqa jáne 8 odaqtas aýmaqqa bólinedi (Deli odaqtas aýmaq mártebesine ie).
Úndistanda bir kúndegi emdelgender sany 178 841-ge artyp, 13 454 880-ge jetti. 2 291 428 patsient emdelýde, bul aldyńǵy kúndermen salystyrǵanda 133 890-ǵa kóp. Sońǵy 24 saǵat ishinde Úndistanda 2 211 334 adam koronavirýst infektsiiasyna qarsy ekpe jasady, vaktsinalanǵan azamattardyń jalpy sany 132 330 644 qurady.
