Ulytaý oblysynda jyl basynan beri mal urlyǵyna qatysy bar eki qylmystyq toptyń joly kesildi. Kúdiktilerdiń 13 mal urlyǵy deregine qatysy bary anyqtalyp jatyr, dep habarlaidy ult.kz.
Tergeý málimetinshe, eki toptyń quramynda bolǵan 10 adamnyń atalǵan qylmystarǵa qatysy bar. Budan bólek, jekelegen mal urlyǵy boiynsha taǵy úsh kúdikti ustalǵan.
Jedel-izdestirý sharalary barysynda zańdy ielerine 40 bas mal qaitaryldy.
Qazir atalǵan faktiler boiynsha sotqa deiingi tergeý júrgizilip jatyr.
Politsiia mal urlyǵynyń aldyn alý úshin óńirde «Mal urysy» jedel-profilaktikalyq is-sharasy turaqty ótkiziletinin habarlady. Quqyq qorǵaý organdary mal ielerin tórt túlikti qaraýsyz qaldyrmai, tańbalap, esepke qoiýǵa shaqyrdy. Mal joǵalǵan nemese urlanǵan jaǵdaida politsiiaǵa dereý habarlaý qajet.
