Qazaqstan Úkimeti Qaraǵandy oblysynyń shekarasyn ózgertý jáne Ulytaý oblysynyń shekarasyn belgileý týraly qaýly qabyldady, - dep habarlaidy "Ult aqparat" primeminister.kz saityna silteme jasap.
«Qazaqstan Respýblikasynyń ákimshilik-aýmaqtyq qurylysy týraly» Qazaqstan Respýblikasynyń Zańy 10-babynyń 1-1) tarmaqshasyna sáikes Qazaqstan Respýblikasynyń Úkimeti QAÝLY ETEDI:
1. Osy qaýlynyń 1-qosymshasyna sáikes Qaraǵandy oblysynyń shekarasy odan Ulytaý oblysynyń quramyna berý úshin Jezqazǵan, Sátbaev jáne Qarajal qalalarynyń, Jańaarqa jáne Ulytaý aýdandarynyń jalpy aýdany 18893661,0 gektar jerin alyp tastaý arqyly ózgertilsin.
2. Osy qaýlynyń 2-qosymshasyna sáikes Jezqazǵan, Sátbaev jáne Qarajal qalalarynyń, Jańaarqa jáne Ulytaý aýdandarynyń jalpy aýdany 18893661,0 gektar jerin qosý arqyly Ulytaý oblysynyń shekarasy belgilensin.
3. Qaraǵandy jáne Ulytaý oblystarynyń ákimdikteri osy qaýlydan týyndaityn sharalardy qabyldasyn.
4. Osy qaýly alǵashqy resmi jariialanǵan kúninen bastap qoldanysqa engiziledi» - delingen qaýly mátininde.
Eske salaiyq, 8 maýsymda Qazaqstan Prezidentiniń jańa oblystar – Abai, Jetisý jáne Ulytaý oblystaryn qurý týraly Jarlyǵy kúshine endi.
