Foto: ashyq derekkóz
Premer-ministri orynbasary Qanat Bozymbaevtyń tóraǵalyǵymen ótken Úkimettik komissiiada «Qazaqmys korporatsiiasy» JShS «Jomart» kenishindegi apatty tergeýdiń aldyn ala qorytyndysy qaraldy, dep habarlaidy Ult.kz.
«Komissiia apattyń negizgi sebebin anyqtady - taý-ken qazbasynan metan jinalyp, bólingen, sodan keiin elektr jabdyqtarynyń ushqynynan jarylys bolǵan. Sondai-aq ónerkásiptik qaýipsizdik pen eńbekti qorǵaý boiynsha ereje buzý jaǵdaiy anyqtalyp, jaýapty tulǵalar toby belgili boldy», - delingen aqparatta.
Keńes qorytyndysy boiynsha komissiia tóraǵasy Qanat Bozymbaev «Qazaqmys korporatsiiasy» JShS-ǵa erejeni buzbai, apattyń aldyn alý boiynsha, onyń ishinde kenishtegi qaýipsizdikti arttyrý, aýadaǵy gaz quramyn anyqtaý boiynsha avtomattandyrylǵan júie engizý, beinebaqylaý ornatý jáne basqa da birqatar tapsyrma berdi.
Aita keteiik, 17 aqpanda Ulytaý oblysy Jańaarqa aýdanynda ornalasqan «Qazaqmys» korporatsiiasynyń «Jomart» kenishinde taý jynysy opyrylyp túsip, 7 kenshi qaza tapty.
