Foto ©️ Tengrinews.kz / Týrar Kazangapov
Ulytaý oblysynda bir quty eden boiaýy tender arqyly 1 million 600 myń teńgege satyp alynbaq bolǵan, - dep habarlaidy Tengrinews.kz saity "Habar 24" telearnasyna silteme jasap.
Sybailas jemqorlyqqa qarsy qyzmeti osyndai zańbuzýshylyqtyń jolyn kesti.
Bul jaǵdai Sátbaevta bolǵan. Mektep esepshileri memlekettik satyp alý konkýrsynda boiaý baǵasyn 70 myń ese arttyrǵan. Quzyrly organ ókilderiniń aralasýymen baiqaý qaita jariialanyp, 18 banka boiaý nebary 47 myń teńgege satyp alyndy.
Departament qyzmetkerleri osyǵan uqsas taǵy bir zańbuzýshylyq anyqtady. Qarajal ákimdigi quny 11 million teńgeden aspaityn qyzmettik kólikti 65 million teńgege satyp alýǵa konkýrs jariialaǵan.
"Jumys nátijeleri boiynsha biyldyń birinshi toqsanynda 34 million teńge shamasynda biýdjet qarajatyn tiimsiz paidalanýǵa jol berilmedi. Bul buzýshylyqtar boiynsha tiis usynymdar engizildi. Jalpy sybailas jemqorlyqqa qarsy qyzmet buzýshylyqtardy anyqtaý úshin jumysty jalǵastyryp jatyr, ol úshin satyp alýdyń biryńǵai aqparattyq terezesi málimetteriniń monitoringi turaqty negizde júrgiziledi. Agenttikke osy platformany jetildirý boiynsha usynystar engizildi", - dedi Ulytaý oblysy boiynsha sybailas jemqorlyqqa qarsy qyzmet departamentiniń asa mańyzdy ister boiynsha ofitseri Gúlnur Súleimenova.
