Foto: ashyq derekkóz
Ulytaý oblysynyń prokýratýrasy Ekonomikalyq tergep-tekserý departamentimen birlesip, oblys aýmaǵynda marganets kenin zańsyz óndirýdiń qylmystyq shemasyn anyqtady, dep habarlaidy Ult.kz.
Qostanai oblysynyń 50 jastaǵy turǵyny 2020–2023 jyldar aralyǵynda jer qoinaýyn paidalanýǵa litsenziiasy men kelisimsharty bolmaǵanyna qaramastan «Shyǵys Qarajal» ken ornynda marganets kenin zańsyz óndirýdi uiymdastyrǵan. Sonymen qatar, qolma-qol aqshaǵa ainaldyrý jáne jalǵan mámileler jasasý arqyly paidaly qazbalardy satýdan túsken qylmystyq jolmen tabylǵan aqshalai qarajatty zańdastyrǵan.
Atalǵan kezeńde 16 myń tonnadan astam ken jóneltilip, memleketke 1,3 mlrd teńgeden astam zalal keltirilgen.
Qylmystyq qyzmettiń nátijesinde jáne óńdelgen temir-marganets kenin el ishinde jáne shetelge satý arqyly 3,5 mlrd teńgeden astam paida tapqan.
Ulytaý oblysy sotynyń úkimimen kináli adam 5 jyl 4 ai merzimge bas bostandyǵynan aiyrylyp, jer qoinaýyn paidalaný salasyndaǵy qyzmetpen ainalysý quqyǵynan 5 jyl merzimge aiyryldy. Memleket kirisine 4,8 mlrd teńge óndirilip, sondai-aq qylmystyq jolmen tabylǵan qarajatqa satyp alynǵan 3 jeńil jáne 2 júk avtokóligi tárkilendi.
Sot úkimi zańdy kúshine endi.
