Ulttyq statistika biýrosynyń 2026 jylǵy qańtar-mamyr ailaryndaǵy Qazaqstannyń áleýmettik-ekonomikalyq damýy týraly esebine sáikes, 2026 jyldyń I toqsanynda Ulytaý oblysyndaǵy ortasha ailyq jalaqy mólsheri 655 995 teńgege jetti. Bul kórsetkish Astana, Almaty qalalary men Atyraý oblysyndaǵy ortasha jalaqy deńgeiinen joǵary. Budan bólek óńirdegi ortasha nominaldy jalaqy mólsheri 461 486 teńgeni quraityn respýblikalyq ortasha jalaqy deńgeiinen asyp tústi, dep habarlaidy ult.kz.
Ulttyq statistika biýrosynyń málimetine sáikes, eńbekaqy deńgeii boiynsha kósh bastap turǵan úshtik qatarynda mynalar bar:
- Mańǵystaý oblysy - 659 801 teńge;
- Ulytaý oblysy - 655 995 teńge;
- Atyraý oblysy - 652 950 teńge.
Osylaisha ortasha ailyq jalaqy kólemi boiynsha Ulytaý elimizdiń eki megapolisin basyp ozdy: Astanada bul kórsetkish - 609 725 teńgeni, Almatyda - 574 162 teńgeni, al Shymkentte - 350 374 teńgeni qurady.
USB esebi Ulytaý oblysynyń joǵary jalaqy deńgeiin saqtap qana qoimai, tabysyn odan ári ósirip jatqanyn kórsetedi. Óńirdegi nominaldy jalaqy indeksi ótken jyldyń sáikes kezeńimen salystyrǵanda 109,5%-dy qurady. Bul respýblikalyq ortasha kórsetkishten (109,1%) joǵary. Jalaqy ósiminiń qarqyny boiynsha Ulytaý oblysy munaily Mańǵystaý (106,2%) jáne Atyraý (103,0%) oblystarymen qatarlasa otyryp, naqty tabys ósimi jóninen birqatar indýstriialyq óńirlerden ozyp otyr. Atap aitqanda, Ulytaý óńiri osy kórsetkish boiynsha Batys Qazaqstan jáne Jambyl oblystaryn artta qaldyrdy.
Infliatsiiany eskere otyryp eseptelgen naqty jalaqy deńgeii 96,6%-dy qurady. Bul kórsetkish Atyraý oblysyndaǵy (91,8%) jáne Mańǵystaý oblysyndaǵy (94,9%) deńgeiden joǵary jáne iri qalalardyń kórsetkishine jaqyn: Astanada – 98,1%, Almatyda – 99,5%.
Ulytaý oblysynda jalaqy elimizdegi ortasha kórsetkishten sál joǵary qarqynmen ósip keledi. Al infliatsiiany esepke alǵanda óńir turǵyndary satyp alý qabiletin munaily óńirlerlermen salystyrǵanda azyraq joǵaltady jáne Astana, Almaty turǵyndarynyń deńgeiinen kem túspeidi.
Aita ketý kerek, joǵary jalaqy deńgeiine – taý-ken metallýrgiia kesheni men óńirdegi eń iri jumys berýshi bolyp tabylatyn «Qazaqmys» korporatsiiasynyń qyzmeti negizgi faktor bolyp tur.
