Memleket basshysy D.A.R. Metall AG basqarma tóraǵasy Kristian Artnerdi qabyldady, dep habarlaidy ult.kz.
Qasym-Jomart Toqaev D.A.R. Metall AG kompaniiasymen seriktestikti damytý jáne zamanaýi nemis tehnologiialaryn igerý elimizdiń ónerkásip jáne ekologiia salasyndaǵy basymdyqtaryna tolyq sai keletinin atap ótti.
Osyǵan orai kezdesý barysynda Qazaqstanda metall óńdeý jobasyn birlese iske asyrý perspektivasyna airyqsha mán berildi.
Memleket basshysy Qazaqstan úshin metallýrgiia sektory asa mańyzdy ekenine nazar aýdaryp, salanyń mańdaialdy kásiporny – Qarmet kompaniiasynda júrgizilip jatqan rekonstrýktsiia barysyn baiandady.
Óz kezeginde Kristian Artner nemis kompaniiasynyń Qazaqstanda óndiris jobalaryn jalǵastyrýǵa nietti ekenin rastady.
D.A.R. Metall AG Alataý qalasynda turmystyq jáne ónerkásip qaldyqtaryn qaita óńdeýge, sondai-aq Qarmet kompaniiasymen jańa bastamalardy birlese júzege asyrýǵa qyzyǵýshylyq tanytyp otyr.
