Almatyda memlekettik qyzmetterdi jeke menedjer arqyly alýǵa bolady. Maman qujattardy rásimdeýdiń barlyq kezeńinde súiemeldep, qajet bolǵan jaǵdaida azamattyń úiine de barady, dep habarlaidy ult.kz.
«Azamattarǵa arnalǵan úkimet» memlekettik korporatsiiasynyń Almaty qalalyq filialynyń málimetinshe, «Jeke menedjer» qyzmeti barlyq HQKO-da, sonyń ishinde mamandandyrylǵan ortalyqtarda qoljetimdi. Quny kádimgi HQKO-da – 5 697 teńge, mamandandyrylǵan HQKO-da – 6 306 teńge. Al kóshpeli qyzmet kórsetý quny – 7 447 teńge.
Úige shaqyrylǵan maman HQKO-da kórsetiletin birqatar memlekettik qyzmetterdi rásimdeýge kómektesedi. Alaida pasport pen jeke kýálik, júrgizýshi kýáligin rásimdeý jáne kólikti qaita tirkeý qyzmetteri kóshpeli formatta kórsetilmeidi.
Qyzmetke ótinimdi Memlekettik korporatsiianyń resmi saityndaǵy «Qyzmetter» bóliminen «Jeke menedjerdiń úiine barý» qyzmetin tańdaý arqyly berýge bolady. Sondai-aq 1414 bailanys ortalyǵy arqyly ótinim berýge múmkindik bar.
Ótinimnen keiin operator bir jumys kúni ishinde azamatpen habarlasyp, qyzmet kórsetý ýaqytyn kelisedi.
