Áleýmettik jelide eks-politsei ulynyń qorlyǵyna shydaǵan qariianyi videosy tarady, dep habarlaidy ult.kz.
Jýrnalist Juldyz Qairatqyzy qariiadan suhbat alyp, áleýmettik jelige júktedi.
«Mańdaiymnan salyp qaldy. Túnde kishi dáretke barǵym kelip, shyǵaiyn desem, taǵy aiqailaidy. “Barmaisyń, qaida?” dep. Meniń bar oiym, ájethananyn janyndaǵy sórede ine-jip turatyn quty bar edi. Sonyń ishinde qaishy bolatyn. Sol qaishyny alyp qashýǵa árekettendim», - deidi aqsaqal.
Aita keteiik, Atyraý oblysynyń Qyzylqoǵa aýdanyna qarasty Saryózek aýylynda egde jastaǵy turǵynǵa qatysty zorlyq-zombylyq faktisi bolýy múmkin degen aqparat qoǵamda alańdaýshylyq týǵyzdy
Jergilikti turǵyndardyń aitýynsha, aýyl turǵyny Edilhan Sisenov uzaq ýaqyt boiy óz ákesine kúsh kórsetip kelgen. Osyǵan bailanysty qart kisi qazirgi ýaqytta týǵan qaryndasynyń úiinde turyp jatyr.
Aýyl turǵyndarynyń sózinshe, egde jastaǵy azamattyń denesinde kógergen izder baiqalady. Sondai-aq onyń júrýi qiyndap, densaýlyǵynyń nasharlaǵany aitylýda.
Jaqyndarynyń málimetinshe, qart adamnyń aqyl-esi durys, óz jaǵdaiyn tolyq túsinedi. Alaida uzaq ýaqyt boiy kórgen qysym men zorlyq onyń densaýlyǵyna keri áser etken bolýy múmkin.
Ázirge bul jaǵdaiǵa qatysty quqyq qorǵaý organdary resmi túsinikteme bergen joq.
