Ýelste tolassyz jaýǵan jańbyr saldarynan joiqyn sý tasqyny bolyp, alty adam qaza tapqan, dep habarlaidy The Guardian basylymy.
Sońǵy, altynshy adam - Birmingem turǵyny jeksenbi kúni qaza tapty.
El tarihyndaǵy iri sý tasqynynan zardap shekken Ýels 48 saǵattyń ishinde budan da qatty jaýatyn jaýynǵa daiyndalyp jatyr.
Sársenbi kúni keshke qarai Ýelstiń soltústik jáne ońtústik aýdandarynda nóser jaýyn jaýýy múmkin. Bul «Dennis» daýylynyń saldarynan qiraǵan aýmaqty tazalaý operatsiiasyna kedergi keltirmek.
Kei derekter boiynsha, Ýelste 600 adam úiin tastap ketýge májbúr bolǵan, sondai-aq bir myńnan astam úi daýyl men sý tasqynynan qatty zaqymdanǵan.
Búgin tańerteń britan meteorologtary Angliia men Ýelstegi sý tasqyny týraly eskertti.
Výstershir jáne Glostershir graftyqtaryndaǵy birneshe qalanyń turǵyndaryna dúisenbi kúni keshkisin evakýatsiia jóninde keńes berildi. Sebebi Severn ózeni arnasynan tasýy múmkin.
Osy aptanyń ishinde Angliianyń soltústiginde de jańbyr jaýyp, ózender tasýy múmkin dep kútilýde. Bul týraly Ulybritaniia qorshaǵan ortany qorǵaý basqarmasy habarlady.
