Ulybritaniianyń premer-ministri Boris Djonson Londonda jáne eldiń ózge de óńirlerinde koronavirýspen kúres boiynsha sharalarynyń kúsheitilgenin jariia etti, dep habarlaidy "Ult aqparat".
Britan úkimetiniń basshysy osy aptada anyqtalǵan jáne tez tarap jatqan COVID-19 virýsynyń jańa mýtatsiiasyna biliktiń alańdaýly ekenin atap ótti.
Londonnyń barlyq bóligi men Angliianyń ońtústigi men shyǵysyndaǵy kóptegen aýdan endi epidemiologiialyq jaǵdaidyń jańa «tórtinshi deńgeiine» enedi.
20 jeltoqsannan bastap Ulybritaniianyń atalǵan aýdandarynyń turǵyndary úshin Rojdestvony qosa áleýmettik bailanysqa shekteý qoiylady. Azyq-túliktik emes taýarlar satatyn, jabyq mádeni mekemelerdiń, sulýlyq salondarynyń jáne basqa da mekemelerdiń jumysy toqtatylady.
«Biz Rojdestvony buryn josparlaǵandai toilai almaimyz. Angliiada «tórtinshi deńgei» aýmaǵynda turatyndar Rojdestvoda otbasynan basqa adamdarmen qatynasqa túspeýi tiis», - dedi B.Djonson baspasóz máslihatynda.
«Men bul kóptegen adamdardyń kóńilin qaldyratynyn bilemin, biraq pandemiia kezinde biz ǵylymdy basshylyqqa alýymyz kerek jáne solai etemiz dep aittyq. Meditsinalyq derekter ózgergen kezde biz qorǵanys sharalaryn qoldanýymyz qajet», - dep túsindirdi ol.
Ulybritaniiada koronavirýs juqtyrýdyń ortasha aptalyq deńgeii eki aptada 66 paiyzǵa ósti, al Londonda sońǵy aptada eki ese ósti.
Sonymen qatar, 31 jeltoqsanda Jańa jyl qarsańynda karantindik shekteýlerdi jeńildetý josparlanbaǵan.
