ۇلىبريتانييانىڭ پرەمەر-مينيسترٸ بوريس دجونسون لوندوندا جەنە ەلدٸڭ ٶزگە دە ٶڭٸرلەرٸندە كوروناۆيرۋسپەن كٷرەس بويىنشا شارالارىنىڭ كٷشەيتٸلگەنٸن جارييا ەتتٸ, دەپ حابارلايدى "ۇلت اقپارات".
بريتان ٷكٸمەتٸنٸڭ باسشىسى وسى اپتادا انىقتالعان جەنە تەز تاراپ جاتقان COVID-19 ۆيرۋسىنىڭ جاڭا مۋتاتسيياسىنا بيلٸكتٸڭ الاڭداۋلى ەكەنٸن اتاپ ٶتتٸ.
لوندوننىڭ بارلىق بٶلٸگٸ مەن انگلييانىڭ وڭتٷستٸگٸ مەن شىعىسىنداعى كٶپتەگەن اۋدان ەندٸ ەپيدەميولوگييالىق جاعدايدىڭ جاڭا «تٶرتٸنشٸ دەڭگەيٸنە» ەنەدٸ.
20 جەلتوقساننان باستاپ ۇلىبريتانييانىڭ اتالعان اۋداندارىنىڭ تۇرعىندارى ٷشٸن روجدەستۆونى قوسا ەلەۋمەتتٸك بايلانىسقا شەكتەۋ قويىلادى. ازىق-تٷلٸكتٸك ەمەس تاۋارلار ساتاتىن, جابىق مەدەني مەكەمەلەردٸڭ, سۇلۋلىق سالوندارىنىڭ جەنە باسقا دا مەكەمەلەردٸڭ جۇمىسى توقتاتىلادى.
«بٸز روجدەستۆونى بۇرىن جوسپارلاعانداي تويلاي المايمىز. انگلييادا «تٶرتٸنشٸ دەڭگەي» اۋماعىندا تۇراتىندار روجدەستۆودا وتباسىنان باسقا ادامدارمەن قاتىناسقا تٷسپەۋٸ تيٸس», - دەدٸ ب.دجونسون باسپاسٶز مەسليحاتىندا.
«مەن بۇل كٶپتەگەن ادامداردىڭ كٶڭٸلٸن قالدىراتىنىن بٸلەمٸن, بٸراق پاندەمييا كەزٸندە بٸز عىلىمدى باسشىلىققا الۋىمىز كەرەك جەنە سولاي ەتەمٸز دەپ ايتتىق. مەديتسينالىق دەرەكتەر ٶزگەرگەن كەزدە بٸز قورعانىس شارالارىن قولدانۋىمىز قاجەت», - دەپ تٷسٸندٸردٸ ول.
ۇلىبريتانييادا كوروناۆيرۋس جۇقتىرۋدىڭ ورتاشا اپتالىق دەڭگەيٸ ەكٸ اپتادا 66 پايىزعا ٶستٸ, ال لوندوندا سوڭعى اپتادا ەكٸ ەسە ٶستٸ.
سونىمەن قاتار, 31 جەلتوقساندا جاڭا جىل قارساڭىندا كارانتيندٸك شەكتەۋلەردٸ جەڭٸلدەتۋ جوسپارلانباعان.
