Ulybritaniia maimyl sheshegi aýrýyn toqtatý úshin 100 000 doza vaktsina satyp aldy. El boiynsha aýrý juqtyrýshylar sany 2130 adamǵa jetti, olardyń kópshiligi – Londonda, dep habarlaidy QazAqparat ABC News basylymyna silteme jasap.
Britandyq densaýlyq saqtaý agenttigi indet taralyp jatqanyn aitty. Aýrýdy kóbine dástúrli emes jynystyq baǵyttaǵy er adamdar juqtyrǵan.
Tek maimyl sheshegin juqtyrǵan naýqastardy emdeitin meditsina qyzmetkerleri jáne aýrýǵa shaldyqqandarmen bailanysta bolǵan adamdarǵa ǵana vaktsina salynatyn.
Ulybritaniia biligi sonymen qatar joǵaryda atalǵan erlerdiń jeke sanatyna da vaktsinatsiiany usynyp, ekpe strategiiasyn keńeitti.
Agenttik osy aida vaktsinanyń alǵashqy qosymsha dozalary keledi, al qalǵany qyrkúiek aiynda jetkiziledi dep málimdedi.
Bavarian Nordic kompaniiasy shyǵarǵan vaktsina sheshek aýrýyn emdeýge arnalǵan.
Onyń maimyl sheshegine qarsy tiimdiligi - shamamen 85%.
