Ortalyq eýropalyq ýaqyt boiynsha 31 qańtardan 1 aqpanǵa qaraǵan túni Breksit boiynsha referendýmnan soń, 188 apta ótkennen keiin Britaniia resmi túrde Eýropalyq Odaqtan shyqty, dep habarlaidy "Ult aqparat" Bi-Bi-Si-ge silteme jasap.
Shyǵýǵa daiyndyq London men Briýsselde kún boiy júrdi, al Boris Djonson britandyqtarǵa «ulttyq jańǵyrýǵa» ýáde berdi.
«Men muny óte durys jáne demokratiialyq sheshim dep esepteimin», - dep málimdedi premer-ministr Boris Djonson juma kúni.
«Meniń oiymsha, Eýroodaq 50 jyl boiy bizdiń elimiz úshin budan bylai sáikes kelmeitin baǵytta damyp keledi», - dep málimdedi premer 31 qańtarda.
Premer jańa Britaniia kóshi-qondy baqylaityn, erkin ekonomikalyq aimaqtar quratynyn, klimattyń jahandyq ózgerýine qarsy kúresti toqtatpaitynyn jáne túbinde qylmysty jeńetinin aitty. EO-dan resmi shyǵý sátinde tehnikalyq daiyndyq kúni boiy júrgizildi.
Briýsselde Eýroparlament ǵimaratynyń janynda britandyq týdy alyp, ony Eýroodaq jalaýyna aýystyrdy. Eýroparlamenttiń Britaniiadan sailanǵan músheler toby birneshe kún buryn májilis zalynan britandyq týdy kóterip shyqqan edi. Parlamentarii Djonatan Býllok qaladan ketip bara jatqanda óz avtomobiliniń terezesinen «iýnion djekpen» (Ulybritaniia týy - red.) qol bulǵap ketti.
