EKSPO-2017 kórmesindegi Ulybritaniia pavilonyna álemdegi eń júirik avtokóliktiń maketi ákelindi, dep habarlaidy Ult.kz tilshisi QazAqparat agenttigine silteme jasap.
Kólikti qurastyrǵan «Bloodhound SSC» kompaniiasynyń ókili Djesvandt Singh Sandidiń aitýynsha, mashinanyń úsh qozǵaltqyshy bar - zymyrandyq, ushaqtyq týrbo-qozǵaltqysh jáne ádettegi avtomobildik.
«Atap aitqanda, zymyrandyq qozǵaltqysh shash boiaý úshin qoldanylyp júrgen totyqqan qyshqyldarmen jumys isteidi. Tejegishti basqanda, mashinanyń aeromobildik erekshelikteri sekýndyna 70 milde toqtaýǵa múmkindik beredi. Kólik toqtaǵan soń, avtomobil qalypty rejimge aýysady", - deidi D.S.Sandi.
Onyń aitýynsha, mashina saǵatyna 200 mil jyldamdyqta júre alady, alaida britandyq injenerler munymen toqtap qalǵysy kelmeidi.
"Bizdiń komanda saǵatyna 1000 mil jyldamdyqtaǵy rekordty buzǵysy keledi. Bul jobany ótken jyly iske qostyq, qazirdiń ózinde jyldamdyqty 200 mil/saǵattan asyrdyq. Qazan aiynda Ońtústik Afrika Respýblikasyna apparatty testileýge baramyz jáne onda kólikti 800 mil/saǵat jyldamdyǵymen aidap kórgimiz keledi. Bir jyldan keiin 1000 mil/saǵat rekordyn ózgertýge tyrysamyz", - dep atap ótti Sandi.
Avtokólik benzinmen júredi. Injener atalǵan jobanyń basty maqsaty - bilim berý ekenin basa aitty.
«Bizden «balamaly energiiamen jumys isteitin mashina qurastyrdyńyzdar ma?» dep jii suraidy. Jobanyń basty maqsaty - bilim berý. Biz barsha álemdegi jas urpaqtyń nazaryn ǵylymǵa, injeneriiaǵa, jańa tehnologiialarǵa aýdarǵymyz keledi", - dedi ol.
«Men únemi balalardan álemdegi eń tanymal injenerdiń kim ekenin suraimyn, - dep jalǵastyrdy kompaniia ókili, - Olar bul suraqqa eshqashan jaýap bere almaidy... Tanymal fýtbolshyny ata desek, barlyǵy jaýap berýge ázir. Demek, qazirgi úgit-nasihat durys baǵytta emes. Sol sebepti, álemdegi eń jyldam mashinany jasaýdy uiǵardyq".
