Meningokokk infektsiiasyn juqtyryp bes jastaǵy uly men 19 jastaǵy bolashaq kelininen aiyrylǵan Aida Ahmetovanyń inisi aýyryp jatyr. Bul týraly áiel Tengrinews.kz tilshisine aityp bergen.
Diagnozdyń rastalǵany týraly taiaýda belgili bolǵan. 5 jasar Dimashtan meningokokk infektsiiasy tabylǵannan keiin Ahmetovter otasynyń múshelerinen analiz alynǵan. Biohimiialyq tekserýge bes kún ketti.
Keshe analizderdiń qorytyndysyn aldyq. Barlyǵymyzdyń analizimiz taza, al meniń inimniń, Aijannyń jigitinde diagnoz rastaldy, ol meningokokk infektsiiasyn juqtyrǵan. Qazir ol Almatydaǵy aýrýhanada jatyr. Jaǵdaiy durys, JRVI sekildi, tamaǵy qyzyl. Inim 2001 jylǵy", - dedi Aida Ahmetova.
Jigittiń aýrýhanaǵa túskeni týraly Almaty qalasy densaýlyq saqtaý basqarmasy rastady.
"2001 jylǵy naýqas aýrýhanaǵa tústi. Onyń meningokokk nazofaringit juqtyrý qaýpi bar. Biz úshin eń qaýiptisi meningokoktsemiia, alaida jigittiń diagnozy ondai emes. Ol eresekterge arnalǵan infektsiialyq aýrýhanada jatyr", - dedi Almaty qalasy densaýlyq saqtaý basqarmasynyń bas mamany Elvira Ibragimova.
Sonymen qatar, meningokokktan qaitys bolǵan 27 jastaǵy órt sóndirýshi Oljas Súleimenovtiń baýyry da óz jaǵdaiyn bólisti. "Qazir aýrýhanadamyn. Ózim keldim. Meniń dene qyzýym kóterildi", - dedi Erbolat Súleimenov.
5 jastaǵy Dimash Ahmetov maýsymnyń 1-nen 2-ne qaraǵan túni qaitys bolǵan edi. Olar 3 maýsymda tańǵy 09:00-de balamen bailanysta bolǵan bolashaq kelinderiniń qaitys bolǵanyn estigen.
Almatylyq 27 jastaǵy órt sóndirýshi Oljas Súleimenov 3 maýsymda qaitys boldy.
