مەنينگوكوكك ينفەكتسيياسىن جۇقتىرىپ بەس جاستاعى ۇلى مەن 19 جاستاعى بولاشاق كەلٸنٸنەن ايىرىلعان ايدا احمەتوۆانىڭ ٸنٸسٸ اۋىرىپ جاتىر. بۇل تۋرالى ەيەل تengrinews.kz تٸلشٸسٸنە ايتىپ بەرگەن.
دياگنوزدىڭ راستالعانى تۋرالى تاياۋدا بەلگٸلٸ بولعان. 5 جاسار ديماشتان مەنينگوكوكك ينفەكتسيياسى تابىلعاننان كەيٸن احمەتوۆتەر وتاسىنىڭ مٷشەلەرٸنەن اناليز الىنعان. بيوحيمييالىق تەكسەرۋگە بەس كٷن كەتتٸ.
كەشە اناليزدەردٸڭ قورىتىندىسىن الدىق. بارلىعىمىزدىڭ اناليزٸمٸز تازا, ال مەنٸڭ ٸنٸمنٸڭ, ايجاننىڭ جٸگٸتٸندە دياگنوز راستالدى, ول مەنينگوكوكك ينفەكتسيياسىن جۇقتىرعان. قازٸر ول الماتىداعى اۋرۋحانادا جاتىر. جاعدايى دۇرىس, جرۆي سەكٸلدٸ, تاماعى قىزىل. ٸنٸم 2001 جىلعى", - دەدٸ ايدا احمەتوۆا.
جٸگٸتتٸڭ اۋرۋحاناعا تٷسكەنٸ تۋرالى الماتى قالاسى دەنساۋلىق ساقتاۋ باسقارماسى راستادى.
"2001 جىلعى ناۋقاس اۋرۋحاناعا تٷستٸ. ونىڭ مەنينگوكوكك نازوفارينگيت جۇقتىرۋ قاۋپٸ بار. بٸز ٷشٸن ەڭ قاۋٸپتٸسٸ مەنينگوكوكتسەمييا, الايدا جٸگٸتتٸڭ دياگنوزى ونداي ەمەس. ول ەرەسەكتەرگە ارنالعان ينفەكتسييالىق اۋرۋحانادا جاتىر", - دەدٸ الماتى قالاسى دەنساۋلىق ساقتاۋ باسقارماسىنىڭ باس مامانى ەلۆيرا يبراگيموۆا.
سونىمەن قاتار, مەنينگوكوككتان قايتىس بولعان 27 جاستاعى ٶرت سٶندٸرۋشٸ ولجاس سٷلەيمەنوۆتٸڭ باۋىرى دا ٶز جاعدايىن بٶلٸستٸ. "قازٸر اۋرۋحانادامىن. ٶزٸم كەلدٸم. مەنٸڭ دەنە قىزۋىم كٶتەرٸلدٸ", - دەدٸ ەربولات سٷلەيمەنوۆ.
5 جاستاعى ديماش احمەتوۆ ماۋسىمنىڭ 1-نەن 2-نە قاراعان تٷنٸ قايتىس بولعان ەدٸ. ولار 3 ماۋسىمدا تاڭعى 09:00-دە بالامەن بايلانىستا بولعان بولاشاق كەلٸندەرٸنٸڭ قايتىس بولعانىن ەستٸگەن.
الماتىلىق 27 جاستاعى ٶرت سٶندٸرۋشٸ ولجاس سٷلەيمەنوۆ 3 ماۋسىمدا قايتىس بولدى.
