Áskeri mindetin, boryshyn ótep jatqan sarbazdardy rýhty, qairatty, baýyrmal el azamaty bolyp qalyptasýǵa tárbieleýdiń joly men jóni qaisy? Ulttyq ulannyń «Shyǵys» óńirlik qolbasshylyǵynda ótken áskeri bólim (batalon) komandirleriniń tárbie jáne áleýmettik quqyqtyq jumystary jónindegi orynbasarlary men áskeri qoǵamdyq uiym ókilderiniń oqý-ádistemelik jiynynda osy másele talqylandy.
Jiyn barysynda «Shyǵys» óńirlik qolbasshylyǵynyń Óskemen, Semei, Kýrchatov, Pavlodar qalalaryndaǵy áskeri bólimderiniń ókilderi áskerilerdi tárbieleýdiń negizgi qurylymy men ádistemesin, áskeri qoǵamdyq uiymdardyń jumysyn uiymdastyrýǵa, dini ekstremizmniń aldyn alýǵa, áskeriler arasynda dini fanatizm ideologiiasynyń taralýyna qarsy áreket jasaýǵa, psihologtardyń jumysyn uiymdastyrýǵa, daǵdarysty ahýaldy jaǵdaida moraldyq-psihologiialyq kómekter kórsetýge arnalǵan arnaiy sabaqtar ótkizdi.
Oqý-ádistemelik jiyn aiasynda elimizdegi Ulttyq ulan Bas qolbasshysynyń tárbie jáne áleýmettik-quqyqtyq jumystary jónindegi orynbasary, general-maior Muhametqali Satovtyń, «Nur Otan» partiiasy ókilderi, memlekettik mekemeler men qoǵamdyq uiym basshylarynyń qatysýymen Elbasynyń «Bolashaqqa kózqaras, qoǵamdyq sanany jańǵyrtý» atty maqalasyndaǵy ult bolashaǵy úshin mańyzdy mindetterdi júzege asyrýǵa orai «Ulttyq sanany jańǵyrtý, Qazaqstannyń ulttyq kody, bolmysy men mádenietin saqtaý» taqyrybynda konferentsiia ótti
Jiynynda áskeriler óz biliktilikterin baǵalatyp, dene jáne áskeri-qoldanbaly sport túrlerinen synaq tapsyrdy.
Muhametqali Satov, Qazaqstan Respýblikasy Ulttyq ulany Bas qolbasshysynyń tárbie jáne áleýmettik-quqyqtyq jumystary jónindegi orynbasary:
- Ulttyq ulan áskerileri asa mańyzdy memlekettik nysandardy, túzeý mekemelerin, strategiialyq mekemelerdi kúzetip, qalalardaǵy qoǵamdyq tártipti saqtaýǵa, terrorlyq, ekstremistik jaǵdailardyń aldyn alýǵa kúsh salyp keledi. Búginde Ulttyq ulanǵa jańa mindetter-tosyn jaǵdailar týa qalǵan jaǵdaida shekara shebindegi eldi mekenderge kómek kórsetý, tabiǵi, tehnogendi sipattaǵy tótenshe jaǵdailar kezinde kómek kórsetý júktelip otyr.
Sonymen birge qazir terroristik, ekstremistik jaǵdailardyń aldyn alý baǵytynda da bizdiń áskerilerge, sarbazdarǵa júktelgen mindetter artyp otyr. Sol sebepti Ulttyq ulan quramasynyń sany ǵana emes sapasy da artyp keledi. «Shyǵys» óńirlik qolbasshylyǵynyń jeke quramasy biyl qystygúni qatty borandarda aýyl turǵyndaryna, azamattarǵa aldymen kómekke kelip, jedel qutqarý jumystaryn júrgizdi. Sarbazdardyń qoǵamdyq tártipti saqtaýǵa, qylmystardy jedel ashýǵa orai kórsetip jatqan is-qimyl áreketterin óte joǵary baǵalaýǵa bolady.
«Linda» men «Simba» EKSPOda júr
Qoǵamdyq tártipti saqtaýda, qylmyskerdi jedel qolǵa túsirýde «Shyǵys» óńirlik qolbasshylyǵyndaǵy iz kesýshi itterdiń de tigizip jatqan septigi kóp. Óskemendegi 5518 áskeri bólimi sarbazdarynyń senimdi serigine ainalǵan ovcharkalardyń biri- saqqulaq, iisshil «Roi» eptiligi men qyraǵylyǵyn talai márte moiyndatyp, qolbasshylyq boiynsha toǵyz dúrkin chempion atanypty
.
-Serjant Rýslan Raisovtyń bul iti talai ret kóshedegi, páterdegi urlyq-qarlyqtyń, tonaýshylyq qylmystardyń izin sýytpai ashýǵa kómektesti. Ózim kýá bolǵanymdai, birneshe jyl buryn «Roi» Gagarin býlvarynda qaraqshylyq shabýyl jasap, áieldiń sómkesin urlap qashyp ketken urynyń izine túsip, ony ainalasy bir saǵattyń ishinde qolǵa túsirgen bolatyn. Qazir «Roi» «zeinetkerlikke» ketti. Men de ózimniń jetegimdegi nemis ovcharkasy «Zirmany» eshkimge esesin jibermeitindei epti etip úiretip jatyrmyn. «Zirmany» Almaty óńirindegi Qarakemer áskeri bólimine baryp alyp kelip, kúshik kezinen úiretip jatyrmyn,- deidi sarbaz Daniiar Muratov janyndaǵy serigi «Zirmamen» tanystyryp.
«Uiat-ai» dese dereý otyra qalyp, aldyńǵy aiaǵymen betin kólegeilep teris qaraityn «Lashyn» belgiialyq ovcharka eken. Bul kúnde keibir adamdardyń sanasynan múlde joǵalyp bara jatqan «uiatty» tórt aiaqty janýarǵa úiretip qoiǵan kinolog - Iliias Baqytbek. «Lashyn» iesiniń qazaqsha aitqan barlyq buiryǵyn bizdiń aldymyzda buljytpai oryndap shyqty. Iliiastan estigendei, belgiialyq ovcharka tuqymdarynyń Qazaqstandaǵy áskeri bólimderge qyzmetke alyna bastaǵanyna biraz ýaqyt qana bolypty. Nemis ovcharkalaryna qaraǵanda «Lashyn» asqan júirik, tez úirenetin zerek, jyldamdyǵy da joǵary kórinedi. Eki jyldan beri áskerilermen júrgen onyń jaýapty isi- jarylǵysh zattardy izdeý.
5518 áskeri bóliminiń taǵy bir betke ustarlary- «Linda» men «Simba» bolsa «EKSPO-2017» kórmesiniń qaýipsizdigin qamtamasyz etýge Astanaǵa ketipti. Ashat Temirbekov pen Rýslan Raisovtyń úiretilgen itteri «Linda» men «Simba» Qazaqstan boiynsha júrgizilgen irikteýden kidirmei ótken eken. Mina, jarylǵysh zattardy tabýǵa mashyqtanǵan ekeýi eki aidan beri sonda qyzmet etýde.
Janargúl Muqatai
