ەسكەري مٸندەتٸن, بورىشىن ٶتەپ جاتقان ساربازداردى رۋحتى, قايراتتى, باۋىرمال ەل ازاماتى بولىپ قالىپتاسۋعا تەربيەلەۋدٸڭ جولى مەن جٶنٸ قايسى? ۇلتتىق ۇلاننىڭ «شىعىس» ٶڭٸرلٸك قولباسشىلىعىندا ٶتكەن ەسكەري بٶلٸم (باتالون) كومانديرلەرٸنٸڭ تەربيە جەنە ەلەۋمەتتٸك قۇقىقتىق جۇمىستارى جٶنٸندەگٸ ورىنباسارلارى مەن ەسكەري قوعامدىق ۇيىم ٶكٸلدەرٸنٸڭ وقۋ-ەدٸستەمەلٸك جيىنىندا وسى مەسەلە تالقىلاندى.
جيىن بارىسىندا «شىعىس» ٶڭٸرلٸك قولباسشىلىعىنىڭ ٶسكەمەن, سەمەي, كۋرچاتوۆ, پاۆلودار قالالارىنداعى ەسكەري بٶلٸمدەرٸنٸڭ ٶكٸلدەرٸ ەسكەريلەردٸ تەربيەلەۋدٸڭ نەگٸزگٸ قۇرىلىمى مەن ەدٸستەمەسٸن, ەسكەري قوعامدىق ۇيىمداردىڭ جۇمىسىن ۇيىمداستىرۋعا, دٸني ەكسترەميزمنٸڭ الدىن الۋعا, ەسكەريلەر اراسىندا دٸني فاناتيزم يدەولوگيياسىنىڭ تارالۋىنا قارسى ەرەكەت جاساۋعا, پسيحولوگتاردىڭ جۇمىسىن ۇيىمداستىرۋعا, داعدارىستى احۋالدى جاعدايدا مورالدىق-پسيحولوگييالىق كٶمەكتەر كٶرسەتۋگە ارنالعان ارنايى ساباقتار ٶتكٸزدٸ.
وقۋ-ەدٸستەمەلٸك جيىن اياسىندا ەلٸمٸزدەگٸ ۇلتتىق ۇلان باس قولباسشىسىنىڭ تەربيە جەنە ەلەۋمەتتٸك-قۇقىقتىق جۇمىستارى جٶنٸندەگٸ ورىنباسارى, گەنەرال-مايور مۇحامەتقالي ساتوۆتىڭ, «نۇر وتان» پارتيياسى ٶكٸلدەرٸ, مەملەكەتتٸك مەكەمەلەر مەن قوعامدىق ۇيىم باسشىلارىنىڭ قاتىسۋىمەن ەلباسىنىڭ «بولاشاققا كٶزقاراس, قوعامدىق سانانى جاڭعىرتۋ» اتتى ماقالاسىنداعى ۇلت بولاشاعى ٷشٸن ماڭىزدى مٸندەتتەردٸ جٷزەگە اسىرۋعا وراي «ۇلتتىق سانانى جاڭعىرتۋ, قازاقستاننىڭ ۇلتتىق كودى, بولمىسى مەن مەدەنيەتٸن ساقتاۋ» تاقىرىبىندا كونفەرەنتسييا ٶتتٸ
جيىنىندا ەسكەريلەر ٶز بٸلٸكتٸلٸكتەرٸن باعالاتىپ, دەنە جەنە ەسكەري-قولدانبالى سپورت تٷرلەرٸنەن سىناق تاپسىردى.
مۇحامەتقالي ساتوۆ, قازاقستان رەسپۋبليكاسى ۇلتتىق ۇلانى باس قولباسشىسىنىڭ تەربيە جەنە ەلەۋمەتتٸك-قۇقىقتىق جۇمىستارى جٶنٸندەگٸ ورىنباسارى:
- ۇلتتىق ۇلان ەسكەريلەرٸ اسا ماڭىزدى مەملەكەتتٸك نىسانداردى, تٷزەۋ مەكەمەلەرٸن, ستراتەگييالىق مەكەمەلەردٸ كٷزەتٸپ, قالالارداعى قوعامدىق تەرتٸپتٸ ساقتاۋعا, تەررورلىق, ەكسترەميستٸك جاعدايلاردىڭ الدىن الۋعا كٷش سالىپ كەلەدٸ. بٷگٸندە ۇلتتىق ۇلانعا جاڭا مٸندەتتەر-توسىن جاعدايلار تۋا قالعان جاعدايدا شەكارا شەبٸندەگٸ ەلدٸ مەكەندەرگە كٶمەك كٶرسەتۋ, تابيعي, تەحنوگەندٸ سيپاتتاعى تٶتەنشە جاعدايلار كەزٸندە كٶمەك كٶرسەتۋ جٷكتەلٸپ وتىر.
سونىمەن بٸرگە قازٸر تەرروريستٸك, ەكسترەميستٸك جاعدايلاردىڭ الدىن الۋ باعىتىندا دا بٸزدٸڭ ەسكەريلەرگە, ساربازدارعا جٷكتەلگەن مٸندەتتەر ارتىپ وتىر. سول سەبەپتٸ ۇلتتىق ۇلان قۇراماسىنىڭ سانى عانا ەمەس ساپاسى دا ارتىپ كەلەدٸ. «شىعىس» ٶڭٸرلٸك قولباسشىلىعىنىڭ جەكە قۇراماسى بيىل قىستىگٷنٸ قاتتى بورانداردا اۋىل تۇرعىندارىنا, ازاماتتارعا الدىمەن كٶمەككە كەلٸپ, جەدەل قۇتقارۋ جۇمىستارىن جٷرگٸزدٸ. ساربازداردىڭ قوعامدىق تەرتٸپتٸ ساقتاۋعا, قىلمىستاردى جەدەل اشۋعا وراي كٶرسەتٸپ جاتقان ٸس-قيمىل ەرەكەتتەرٸن ٶتە جوعارى باعالاۋعا بولادى.
«ليندا» مەن «سيمبا» ەكسپودا جٷر
قوعامدىق تەرتٸپتٸ ساقتاۋدا, قىلمىسكەردٸ جەدەل قولعا تٷسٸرۋدە «شىعىس» ٶڭٸرلٸك قولباسشىلىعىنداعى ٸز كەسۋشٸ يتتەردٸڭ دە تيگٸزٸپ جاتقان سەپتٸگٸ كٶپ. ٶسكەمەندەگٸ 5518 ەسكەري بٶلٸمٸ ساربازدارىنىڭ سەنٸمدٸ سەرٸگٸنە اينالعان وۆچاركالاردىڭ بٸرٸ- ساققۇلاق, يٸسشٸل «روي» ەپتٸلٸگٸ مەن قىراعىلىعىن تالاي مەرتە مويىنداتىپ, قولباسشىلىق بويىنشا توعىز دٷركٸن چەمپيون اتانىپتى
.
-سەرجانت رۋسلان رايسوۆتىڭ بۇل يتٸ تالاي رەت كٶشەدەگٸ, پەتەردەگٸ ۇرلىق-قارلىقتىڭ, توناۋشىلىق قىلمىستاردىڭ ٸزٸن سۋىتپاي اشۋعا كٶمەكتەستٸ. ٶزٸم كۋە بولعانىمداي, بٸرنەشە جىل بۇرىن «روي» گاگارين بۋلۆارىندا قاراقشىلىق شابۋىل جاساپ, ەيەلدٸڭ سٶمكەسٸن ۇرلاپ قاشىپ كەتكەن ۇرىنىڭ ٸزٸنە تٷسٸپ, ونى اينالاسى بٸر ساعاتتىڭ ٸشٸندە قولعا تٷسٸرگەن بولاتىن. قازٸر «روي» «زەينەتكەرلٸككە» كەتتٸ. مەن دە ٶزٸمنٸڭ جەتەگٸمدەگٸ نەمٸس وۆچاركاسى «زيرمانى» ەشكٸمگە ەسەسٸن جٸبەرمەيتٸندەي ەپتٸ ەتٸپ ٷيرەتٸپ جاتىرمىن. «زيرمانى» الماتى ٶڭٸرٸندەگٸ قاراكەمەر ەسكەري بٶلٸمٸنە بارىپ الىپ كەلٸپ, كٷشٸك كەزٸنەن ٷيرەتٸپ جاتىرمىن,- دەيدٸ سارباز دانييار مۇراتوۆ جانىنداعى سەرٸگٸ «زيرمامەن» تانىستىرىپ.
«ۇيات-اي» دەسە دەرەۋ وتىرا قالىپ, الدىڭعى اياعىمەن بەتٸن كٶلەگەيلەپ تەرٸس قارايتىن «لاشىن» بەلگييالىق وۆچاركا ەكەن. بۇل كٷندە كەيبٸر ادامداردىڭ ساناسىنان مٷلدە جوعالىپ بارا جاتقان «ۇياتتى» تٶرت اياقتى جانۋارعا ٷيرەتٸپ قويعان كينولوگ - ٸليياس باقىتبەك. «لاشىن» يەسٸنٸڭ قازاقشا ايتقان بارلىق بۇيرىعىن بٸزدٸڭ الدىمىزدا بۇلجىتپاي ورىنداپ شىقتى. ٸليياستان ەستٸگەندەي, بەلگييالىق وۆچاركا تۇقىمدارىنىڭ قازاقستانداعى ەسكەري بٶلٸمدەرگە قىزمەتكە الىنا باستاعانىنا بٸراز ۋاقىت قانا بولىپتى. نەمٸس وۆچاركالارىنا قاراعاندا «لاشىن» اسقان جٷيرٸك, تەز ٷيرەنەتٸن زەرەك, جىلدامدىعى دا جوعارى كٶرٸنەدٸ. ەكٸ جىلدان بەرٸ ەسكەريلەرمەن جٷرگەن ونىڭ جاۋاپتى ٸسٸ- جارىلعىش زاتتاردى ٸزدەۋ.
5518 ەسكەري بٶلٸمٸنٸڭ تاعى بٸر بەتكە ۇستارلارى- «ليندا» مەن «سيمبا» بولسا «ەكسپو-2017» كٶرمەسٸنٸڭ قاۋٸپسٸزدٸگٸن قامتاماسىز ەتۋگە استاناعا كەتٸپتٸ. اسحات تەمٸربەكوۆ پەن رۋسلان رايسوۆتىڭ ٷيرەتٸلگەن يتتەرٸ «ليندا» مەن «سيمبا» قازاقستان بويىنشا جٷرگٸزٸلگەن ٸرٸكتەۋدەن كٸدٸرمەي ٶتكەن ەكەن. مينا, جارىلعىش زاتتاردى تابۋعا ماشىقتانعان ەكەۋٸ ەكٸ ايدان بەرٸ سوندا قىزمەت ەتۋدە.
جانارگٷل مۇقاتاي
