Ótken aptada Elbasy N.Á.Nazarbaevtyń «Uly Dalanyń jeti qyry» dep atalatyn qazirgi zamanda asa ózekti maqalasy jaryq kórdi. Issaparmen Iran elinde júrgem, internetti qosyp, maqalany oqýǵa asyqtyq. Kóne parsy jurtynda júrip, ulttyq qundylyqtarymyzdyń Elbasy tarapynan ulyqtalyp jatqanyn oqyp, qolymyzǵa qalam alǵansha asyq bolǵanymyz, ras.
"Keńistik – barlyq nárseniń, al ýaqyt – búkil oqiǵanyń ólshemi" dep bastalatyn maqalada, bastysy – biz kim ekendigimizdi anyqtadyq. Bizdiń ata-babalarymyz - saqtardyń, ǵundardyń, túrki etnikalyq toptarynyń murageri. Ult tarihyndaǵy ýaqyt pen keńistik sheńberindegi álem órkenietine jeti túrli ǵajaiypty syilaǵan dara etnostyń daraǵymyz.
Degenmen biz kim ekenimizdi anyqtap, ony aldaǵy ýaqytta tereńinen zertteitin bolamyz. Sondyqtan da, Elbasy óz maqalasynda «Arhiv – 2025» jeti jyldyq baǵdarlamasyn jasaýymyz qajet dep sanady. Qur aýyzsha derek pen ańyzdarǵa emes, naqty qujattarǵa súiengen tyń tarihymyz óskeleń urpaqtyń sanasynda silkinis týdyryp, ótken jyly jariialanǵan «Bolashaqqa baǵdar: rýhani jańǵyrý» baǵdarlamalyq maqalasynyń jalǵasyndai bolatyny anyq.
Kásipkerlik pen biznes salasynda júrsem de, ulttyq tarihymyz ben qundylyqtarymyzdan shet qalǵan emespin. «Rýhani jańǵyrý» aiasynda týǵan jerime qoldan kelgenshe qyzmet etip, qazaq halqynyń tarihynda erekshe orny bar Qoshqar Ata beinesin qoldan kelgenshe bolashaq urpaqtyń sanasyna qaldyrýǵa kúsh salýdamyn. Sodan bolar, ótken jyly «Qiyrdaǵy qazaqtar» kóp seriialy derekti filmine qoldaý tanyttym. Alys-jaqyn shetelderdegi qazaqtardyń tarihyna qatysty qanshama qundy derek kórermenge jol tartty. Qarap otyryp, kózime jas keldi. Múmkindik bolsa, Elbasy bastaǵan, elimiz qostaǵan Qazaqstanyma qyzmet etkenge ne jetsin degen oi túiip, ulttyq tarihty túgendeýge árbir kásipker úles qossa deimin.
Sebebi, biz tarihty ata-babamyzdan muraǵa alǵan joqpyz, biz ony keler urpaqqa amanat etip tapsyramyz.
Oralbek Botbai,
Professor, «Qurmet» ordeniniń iegeri,
Eýraziialyq shyǵarmashylyq gildiiasynyń múshesi (London)
.jpeg)