Memleket basshysynyń ókimimen Nurbolat Serǵaliuly Aidapkelov Qazaqstan Respýblikasynyń Strategiialyq josparlaý jáne reformalar agenttiginiń Ulttyq statistika biýrosynyń basshysy qyzmetine taǵaiyndaldy, dep habarlaidy Aqordanyń baspasóz qyzmeti.
Nurbolat Serǵaliuly AIDAPKELOV 1979 jyly Jambyl oblysynda týǵan.
2000 jyly Qazaq memlekettik basqarý akademiiasynyń «Býhgalterlik esep jáne aýdit» mamandyǵy boiynsha bitirdi. 2002 jyly Qazaq gýmanitarlyq-zań ýniversitetin «Zańtaný» mamandyǵy boiynsha támamdady.
2001 jyldyń qańtar aiynan 2003 jyldyń qarasha aiyna deiin QR Statistika agenttiginiń «Aqparattyq-esepteý ortalyǵynda» RMQ jumys istedi. 2003-2007 jyldary aralyǵynda «Memlekettik eksporttyq kreditter jáne investitsiialardy saqtandyrý korporatsiiasy» AQ bas mamany, Qarjy departamentiniń direktory bolyp jumys istedi. 2007-2008 jyldary «QazAgro «UQ» AQ basqarýshy direktor.
2008-2009 jyldary «QazAgroGarant» AQ basqarma tóraǵasy. 2009 jyldyń shildesinen bastap jeltoqsanǵa deiin «Astana Knowledge City» AQ konsýltanty. 2009-2011 jyldary QR Statistika agenttigi tóraǵasynyń orynbasary. 2011-2013 jyldary QR Statistika agettiginiń jaýapty hatshysy, 2013-2014 jyldary QR Statistika agenttigi Áleýmettik jáne demografiialyq statistika departamentiniń direktory.
2015 jyldyń qańtar aiynan 2016 jyldyń mamyr aiyna deiin túrli kommertsiialyq qurylymdarda basshylyq qyzmetterdi atqardy.
2016 jylǵy 26 mamyrdan bastap - QR UEM Statistika komitetiniń tóraǵasy boldy.
«Eren eńbegi úshin» memlekettik nagradasymen, «Qazaqstan Respýblikasynyń Táýelsizdigine 20 jyl» tósbelgisimen marapattalǵan.
